Charlotte Hornets wanaendelea kufanya mabadiliko makubwa katika kikosi chao kuelekea msimu mpya wa NBA baada ya kuripotiwa kukamilisha biashara nyingine kubwa. Siku chache tu baada ya kumtoa nyota wao LaMelo Ball kwenda Minnesota Timberwolves katika dili lililowaletea Naz Reid, sasa Hornets wamekubali kumpeleka Miles Bridges pamoja na chaguo mbili za Draft kwenda Phoenix Suns.
Kwa mujibu wa taarifa mbalimbali za vyombo vya habari vya Marekani, Phoenix Suns watampokea Miles Bridges pamoja na chaguo la raundi ya kwanza la mwaka 2029 na chaguo la raundi ya pili la mwaka 2027. Kwa upande wao, Charlotte Hornets watampata Grayson Allen, Royce O’Neale pamoja na chaguo la raundi ya kwanza la mwaka 2033. Dili hilo linaonyesha wazi kuwa Hornets wameamua kuanza kujenga kikosi chenye sura tofauti kwa miaka ijayo.
Miles Bridges, aliyechaguliwa katika nafasi ya 12 ya NBA Draft ya mwaka 2018, ameichezea Charlotte kwa misimu yote saba ya taaluma yake na alikuwa mchezaji aliyedumu zaidi ndani ya klabu hiyo. Msimu uliopita, mchezaji huyo mwenye umri wa miaka 28 alifunga wastani wa pointi 17.1, rebounds 5.8 na assists 3.2 katika michezo 77 aliyocheza. Bridges pia amewahi kufikisha wastani wa zaidi ya pointi 20 kwa msimu mara tatu katika taaluma yake, jambo lililomfanya kuwa mmoja wa wachezaji muhimu zaidi wa Hornets kwa miaka ya karibuni.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Kwa Phoenix Suns, ujio wa Bridges unaongeza nguvu kubwa katika safu yao ya mbele. Taarifa zinaonyesha kuwa Suns walikuwa wakimfuatilia Bridges tangu usajili wa mwaka 2024, na sasa hatimaye wamefanikiwa kumpata. Kwa upande wa Charlotte, kuondoka kwa Bridges kunaweza kufungua nafasi kwa Naz Reid kuanza kama power forward, huku ujio wa Grayson Allen na Royce O’Neale ukiongeza uzoefu, uwezo wa kupiga mashuti ya mbali na kina katika kikosi.
Allen mwenye umri wa miaka 30 alimaliza msimu uliopita akiwa na wastani wa pointi 16.5, assists 3.8 na steals 1.4 kwa mchezo akiwa Phoenix Suns. Naye Royce O’Neale, mwenye umri wa miaka 33, ameendelea kuthibitisha ubora wake kama mmoja wa wapiga mashuti ya alama tatu walio imara zaidi kwenye NBA, baada ya kufunga kwa asilimia 40.8 kutoka nyuma ya mstari wa pointi tatu msimu uliopita.
