Ni kama moto umewashwa tena ndani ya NBA. Timu ya Atlanta Hawks imeamua kuongeza nguvu mpya kwenye safu yao ya ulinzi kwa kumpata Lu Dort, beki mkali kutoka Oklahoma City Thunder. Hii ni sehemu ya dili la timu tatu lililohusisha pia kijana hatari Zaccharie Risacher kuhamia Dallas Mavericks. Mashabiki wa Hawks sasa wana kila sababu ya kushangilia, kwani Dort anakuja na rekodi ya kupiga kazi kubwa kwenye ulinzi.
Kwa dili hili, Hawks wamempata Dort pamoja na point guard kinda, Ryan Nembhard, ambaye msimu uliopita alivunja rekodi ya Jason Kidd kwa kutoa pasi 23 za mabao katika mechi moja. Mavericks wamejipatia Risacher, kijana aliyewahi kung’ara kwenye All-Rookie First Team, huku Thunder wakijikusanyia chungu ya chaguo za draft za siku zijazo. Kila timu imepata kile ilichokuwa inakitafuta, Hawks wanapata ulinzi, Mavericks wanapata nyota kijana, na Thunder wanapata nafasi nyingi za draft.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Dort mwenye umri wa miaka 27 sasa ataungana na Dyson Daniels, na kuunda ukuta wa chuma kwenye safu ya ulinzi. Mashabiki wa Hawks wanatarajia kuona wapinzani wakipata wakati mgumu kupenya. Dort amekuwa mhimili wa Thunder kwa miaka saba, akisaidia timu hiyo kufika kilele cha ubingwa msimu wa 2024-25.
Kwa upande wa Mavericks, Risacher anaingia kwenye kikosi kilichojaa nyota kama Kyrie Irving, Cooper Flagg, na sasa Risacher. Hiki kinakua kikosi cha mastaa waliowahi kuwa namba moja, wakikusanyika kwa lengo moja pekee, kutwaa taji. Ingawa Risacher alikumbwa na majeraha msimu uliopita, bado ana kipaji cha kuvutia na anaweza kurudi kwa nguvu zaidi.
