LA Lakers Yampaheshima Kobe Bryant

Kunako NBA, michezo ya mtoano (Play-Offs) inaendelea kushika kasi. LA Lakers walikuwa na wakati mzuri dhidi ya Portland Trail Blazers.

Blazers walijikuta kwenye wakati mgumu baada ya kuambulia kipigo cha pointi 135- 115 katika mchezo uliochezwa mjini Orlando – Marekani.

LeBron James alifunga pointi 30 na kuisaidia Lakers kupata ushindi wa 3-1 katika mzunguko wa kwanza wa Western Conference Play-Offs.

LA Lakers yatoaheshima kwenye kumbukumbu ya Kobe Bryant.

Bryant na binti yake Gianna ni kati ya watu 9 waliofariki katika ajali ya helikopta mwezi Januari 2020. Siku ya jumatatu ilipewa jina la “Mamba Day” na NBA kwasababu namba 24 na 8 ni namba alizokuwa anazitumia uwanjani gwiji huyo [Kobe Bryant].

“Nilipoangalia ubao wa matokeo ukisoma 24-8, nilisema sawa, yupo hapa. Ninajivunia timu yangu, kwa namna tulivyocheza. Nimebarikiwa sana na kupewa heshima ya kuendelea kumuenzi Kobe Bryant na Gigi Bryant na watu wote waliokuwepo kwenye ajali ile.” amesema LeBron James.

Lakers walivaa jezi maalumu ya rangi nyeusi na njano kama ishara ya kumuezi Kobe Bryant ambaye angekuwa anasheherekea miaka 42 ya kuzaliwa Jumapili hii.

Akiwa bingwa wa NBA mara 5, Bryant aliitumikia LA Lakers kwa miaka yake yote kama mchezaji. Ameweka historia ya kuwa mchezaji wa kwanza kwenye ligi hiyo kutumia namba mbili za jezi akiwa na timu moja kwa zaidi ya miaka 10.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa