Kwa muda mrefu, Giannis Antetokounmpo alikuwa nguvu mjini Milwaukee, akiwa MVP mara mbili, bingwa wa NBA mwaka 2021, na moyo wa mashabiki wa Bucks. Lakini baada ya dili kubwa lililompeleka Miami, Bucks sasa wanalazimika kuandika sura mpya kabisa ya historia yao bila uwepo wake.
GM Jon Horst alieleza wazi kwamba huu ni wakati wa kujenga msingi mpya kwa kikosi kipya na kocha mpya. Badala ya kuishi kwenye kivuli cha Giannis, vijana Brayden Burries na Nate Ament wanapata nafasi ya kuunda utambulisho wao. Burries, akionyesha makali kwenye NBA Summer League, alisema, “Nitajiamini, nitaendelea kujifunza kupitia makosa na kuwa sehemu ya mwelekeo sahihi.” Ament naye aliongeza, “Sisi ni kundi jipya, na tunahitaji kujifunza haraka kutoka kwa kila mmoja.”
Katika dili ya Giannis, Bucks walipata nyota wa Milwaukee, Tyler Herro. Huyu mlinzi ana wastani wa 21.4 ppg katika misimu mitano iliyopita na sasa ana nafasi ya kuwa mfungaji mkuu wa Bucks. Herro, mshindi wa Kia Sixth Man Award, anakuja nyumbani na anaweza kuwa uso mpya wa mashambulizi ya Bucks.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Zaidi ya Herro, Bucks walimuongeza Jaime Jaquez Jr. na Kel’el Ware kutoka Miami. Wote wana nafasi ya kuanza au kupata dakika nyingi, wakisaidia kujaza pengo lililoachwa na Giannis. Hii rotation mpya inaleta changamoto na matumaini kwa mashabiki, siyo kikosi cha mastaa waliothibitishwa, bali cha vijana wenye njaa ya mafanikio.
Kwa mashabiki wa Bucks, hii ni mchanganyiko wa huzuni na msisimko. Kupoteza mchezaji kama Giannis ni pigo, lakini pia ni nafasi ya kuunda utawala mpya. Burries, Ament, Herro na wachezaji wapya wanakuwa msingi wa hadithi mpya ya Milwaukee.
