Morocco Watinga Fainali kwa Kuinyuka Nigeria Penalti

Ushindi wa Morocco dhidi ya Nigeria kwa penati 4-2 baada ya sare ya 0-0 umewaweka wenyeji hao wa Afrika Kaskazini kwenye fainali ya Kombe la Mataifa ya Afrika, wakiwa tayari kukutana na Senegal Jumapili hii, Januari 18, kwenye Uwanja wa Prince Moulay Abdellah, Rabat. Youssef En-Nesyri ndiye aliyefunga penati ya ushindi baada ya Yassine Bounou kuokoa penati mbili muhimu za Nigeria.

Mchezo huo wa nusu fainali ulikuwa wa ushindani mkali, huku Morocco wakitengeneza nafasi za hatari nyingi kipindi cha kwanza. Dakika tatu tu baada ya mchezo kuanza, Semi Ajayi alikosea kutoa pasi, akimpa Ismael Saibari nafasi nzuri ya kufunga, lakini mlinzi huyo wa Hull City alirekebisha kosa kwa kuzuia shuti lililokuwa likielekea langoni.

Brahim Diaz aliibua taharuki kwa mpira wake wa pembeni uliopita kidogo langoni dakika 9, kabla ya Nigeria kutengeneza nafasi yao ya kwanza sahihi kupitia Ademola Lookman aliyemjaribu Bounou dakika ya 15. Morocco waliendelea kushambulia, hasa hasa Saibari na Diaz, lakini kila jaribio lilishindwa kuzalisha bao. Achraf Hakimi pia alionyesha uhodari wake kwa kutengeneza nafasi nzuri.

Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa

Kipindi cha pili kilikua na kasi kubwa ya mashambulizi kwa pande zote mbili. Ayoub El Kaabi alikaribia kufunga kwa kichwa dakika 77, huku Abde Ezzalzouli akikaribia kupata goli la ushindi dakika 83, lakini Nwabali alizuia kwa ufanisi. Muda wa nyongeza haukubadilisha matokeo, huku Hamza Igamane na Eliesse Ben Seghir wakishindwa kumalizia kwa ufanisi nafasi chache walizopata.

Hatimaye, penalti zilitumika kuamua mshindi. Morocco walionyesha uwezo mkubwa, huku Igamane, Samuel Chukwueze na Bruno Onyemaechi wakishindwa kufanikisha penati zao. En-Nesyri alipojitokeza, alifunga penati ya mwisho kwa usahihi, na kuidhinisha Morocco kupita fainali. Hii ni nafasi ya kwanza kwa wenyeji kuingia fainali tangu mashindano haya ya Afcon, ikiwapa matumaini makubwa ya kutwaa taji nyumbani.