Shirikisho la Soka Barani Afrika CAF, limemtangaza Samson Adamu kuwa Kaimu Katibu Mkuu wake, akichukua nafasi ya Veron Mosengo-Omba aliyejiuzulu mapema leo.
Uteuzi huo unaashiria mwanzo mpya ndani ya CAF, huku Adamu akiandika historia kuwa Mnigeria wa kwanza kushika wadhifa huo tangu kuanzishwa kwa shirikisho hilo zaidi ya miaka 70 iliyopita. “Ni heshima kubwa kwangu kupewa jukumu hili muhimu katika kipindi hiki nyeti,” alinukuliwa Adamu akisema.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Kabla ya uteuzi wake, Adamu alikuwa akihudumu kama Mkurugenzi wa Mashindano na Matukio wa CAF, nafasi iliyompa uzoefu mkubwa katika kusimamia michuano mikubwa ya bara. “Nimekuwa sehemu ya maandalizi ya mashindano kama AFCON na Ligi ya Mabingwa Afrika, hivyo ninaelewa changamoto zilizopo,” aliongeza.
Kwa mujibu wa taarifa rasmi, uteuzi wake ulipendekezwa na Kamati ya Utendaji ya CAF na kuridhiwa na Mkutano Mkuu uliofanyika Machi 29, 2026 jijini Cairo, Misri. “Tunayo imani kubwa na uwezo wake wa kuongoza taasisi hii katika kipindi hiki,” ilisema sehemu ya taarifa hiyo.
Adamu anaingia madarakani wakati CAF ikiwa katika kipindi kigumu kinachogubikwa na migogoro ya kisheria, hususan sakata la ubingwa wa AFCON 2025 uliodaiwa kupokonywa Senegal na kupewa Morocco, suala ambalo bado linaendelea kusikilizwa katika Mahakama ya Usuluhishi wa Michezo (CAS).
Licha ya changamoto hizo, viongozi wa CAF wana matumaini kuwa Adamu ataleta utulivu na mwelekeo mpya. “Huu ni wakati wa mshikamano na mageuzi, na tunaamini ataiongoza CAF kwa ufanisi,” iliongeza taarifa hiyo, huku wadau wakisubiri kuona hatua zake za kwanza katika nafasi hiyo muhimu.
