Pep, "Koeman Anahitaji Muda Barca"

Ronald Koeman ni kama yupo kwenye kiza ndani ya klabu ya Barcelona. Matokeo ya michezo ya hivi karibuni, yanaipoteza picha ya Barcelona tuliyoizoea kwenye ulimwengu wa soka. Pep Guardiola anaamini ni suala la muda tu.

Pep na Koeman waliwahi kucheza pamoja katika kikosi cha Barca kabla ya mwaka 1995 ambapo Koeman alijiunga na Feyernood.

Kwa sasa wote ni makocha, Pep aliwahi kuiongoza Barca kwa miaka 4 na kubeba mataji 14. Koeman ndio yupo kwenye kiti hicho kwa sasa wakati ambao Guardiola yupo Man City.

Kufuatia matokeo mabaya kwa Barca, Pep anaamini Koeman anahitaji muda wa ziada ili kuipata Barcelona anayoitaka. Guardiola anaamini Barcelona inaweza kurudi kwenye ubora wake endapo uongozi wa Barca utampatia muda wa kutosha Koeman.

“Muda mwingine unahitaji muda zaidi ili kufanikisha kila kitu. Hasa Barcelona chini ya Ronald, kwa ugeni wake, anahitaji muda zaidi.

“Nina hakika watarejea wanapostahili kuwa.” amesema Guardiola.

Koeman ataiongoza Barcelona katika mchezo wake wa kwanza wa El Clasico kama kocha wa timu hiyo leo jioni. Real Madrid nao wanapambana na magumu yao na pengine mchezo wa leo utaleta tumaini jipya kwa timu hizi.

Ondoka na Mkwanja Kwenye Tsh. 160,000,000

Hii ndiyo burudani yenye ushindi! Ingia kwenye kasino ya Meridianbet kufukuzia ushindi huu.

Soma Zaidi