Kocha wa Real Madrid Carlo Ancelotti alitoa jibu lisiloeleweka alipoulizwa kama timu yake itarejelea nia yao ya kumnunua Kylian Mbappe.
Ripoti ziliibuka Jumanne kwamba supastaa huyo wa Paris Saint-Germain anataka kuondoka katika klabu hiyo, miezi mitano tu baada ya kuipuuza Real Madrid kwa kusaini mkataba mpya Parc des Princes.
Inasemekana Mbappe yuko katika hali mbaya na anahisi kama amesalitiwa na wababe hao wa Ufaransa.
Kufuatia sare ya 1-1 Madrid dhidi ya Shakhtar Donetsk kwenye Ligi ya Mabingwa Ulaya, Ancelotti aliulizwa iwapo Madrid itarejea sokoni kumnunua mchezaji huyo ambaye kwa muda mrefu amekuwa akilengwa na wababe hao wa Hispania.
Muitaliano huyo aliijibu Canal+ : ‘ Una ujasiri wa kuuliza hivyo? Sina budi kujibu.’
Baada ya sare ya bila kufungana na Reims wiki iliyopita, Mbappe alichapisha hadithi kwenye Instagram iliyojumuisha picha yake akiwa kwenye harakati iliyoambatana na ‘#pivotgang’ katika kueleza jinsi ambavyo Galtier alimtumia.
Ripoti kutoka jarida la Hispania la Marca, inadai kuwa timu hiyo ya Ufaransa haitamruhusu Mbappe kujiunga na Real Madrid, ambaye hapo awali alitoa ofa ya paundi milioni 154 kwa mchezaji huyo mwenye umri wa miaka 23 msimu wa joto kabla ya kuwapiku wababe hao wa Hispania.
PSG wameripotiwa kukubaliana kufanyia kazi suala la kuondoka kwa Mbappe mradi tu itakidhi masharti fulani, ikiwa ni pamoja na kwamba uhamisho wa kwenda Bernabeu uondolewe mezani, huku ikisemekana kuwa Liverpool ni moja ya chaguo pekee la mchezaji huyo.
Kocha wa Liverpool Jurgen Klopp ameonyesha nia ya kumtaka Mbappe, ambaye anachukuliwa kuwa mmoja wa wachezaji bora zaidi duniani, siku za nyuma lakini fedha zinazohusika zinaweza kuwa kikwazo kwa mpango wowote na Reds.
Amekuwa akihusishwa mara kwa mara na kikosi cha Klopp katika miaka ya hivi karibuni, huku Mfaransa huyo akiripotiwa kutaka kujipima nguvu kwenye Premier League.
