Rais wa Shirikisho la Soka Ulaya (UEFA), Aleksander Čeferin, alisusia fainali ya michuano ya Dunia kama ishara ya kutoridhishwa na namna Shirikisho la Kimataifa la Soka (FIFA) linavyoendesha baadhi ya maamuzi yake, kwa mujibu wa taarifa zilizoripotiwa na vyombo vya habari vya Uingereza.
Mvutano kati ya UEFA na FIFA umeongezeka katika kipindi cha mashindano hayo, hasa baada ya FIFA kufuta kadi nyekundu ya mshambuliaji wa Marekani Folarin Balogun kabla ya mchezo dhidi ya Ubelgiji. Hatua hiyo ilifuatia ombi la Rais wa Marekani Donald Trump kwa Rais wa FIFA, Gianni Infantino, kutathmini upya uamuzi huo, jambo lililoibua ukosoaji mkali kutoka UEFA.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
“Uamuzi huo haujawahi kushuhudiwa, haueleweki na hauwezi kuhalalishwa. Umevuka mstari mwekundu,” UEFA ilinukuliwa ikielezea msimamo wake kuhusu hatua ya FIFA ya kubadili adhabu ya Balogun.
Mbali na suala hilo, UEFA pia haikuridhishwa na namna FIFA ilivyoshughulikia masuala mengine, ikiwemo kushindwa kuhakikisha mwamuzi wa Somalia Omar Artan anaruhusiwa kuingia Marekani, pamoja na malalamiko ya timu ya Iran kuhusu namna ilivyotendewa wakati wa mashindano. UEFA pia imeendelea kupinga baadhi ya maboresho mapya ya FIFA, yakiwemo sheria mpya za VAR, mapumziko ya maji na adhabu kwa wachezaji wanaofunika midomo wanapozungumza uwanjani.
Čeferin pia amekuwa mkosoaji wa kupanuliwa kwa michuano ya Dunia hadi timu 48 na bei za tiketi za mashindano hayo. “Kuna mechi nyingi ambazo hazivutii kabisa,” alinukuliwa akisema kabla ya kuanza kwa mashindano. Hata hivyo, licha ya kususia fainali, Čeferin alihudhuria mchezo wa ufunguzi wa michuano ya Dunia uliofanyika jijini Mexico City mnamo Juni 11.
