Kiungo mshambuliaji wa Taifa Stars, Feisal Salum, hatoshiriki katika mechi mbili za kirafiki za timu ya taifa dhidi ya Uganda zitakayochezwa Juni 5, 2026 na Rwanda Juni 9, 2026, baada ya kubainika kuwa na majeraha aliporipoti kambini.
Kwa mujibu wa Afisa Habari wa Shirikisho la Soka Tanzania (TFF), Feisal alifanyiwa tathmini na madaktari wa timu ya taifa ambao walithibitisha hali yake na kumruhusu kuondoka kambini ili aendelee na matibabu na uangalizi wa afya yake.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Taarifa hiyo imesema “Feisal Salum hatahusika katika mechi mbili za kirafiki za Taifa Stars baada ya kuripoti akiwa na majeraha, na ameruhusiwa kuendelea na matibabu chini ya uangalizi wa wataalamu wa afya.”
Kutokuwepo kwa kiungo huyo kunatajwa kuwa pigo kwa Taifa Stars kutokana na mchango wake mkubwa katika ubunifu wa mashambulizi na uwezo wake wa kutengeneza nafasi za kufunga mabao katika eneo la kiungo mshambuliaji.
Hata hivyo, benchi la ufundi linatarajiwa kutumia nafasi hiyo kuwajaribu wachezaji wengine kwenye nafasi ya Feisal “Fei Toto” kabla ya mashindano yajayo ya kimataifa, huku akiwa mmoja wa wachezaji muhimu katika kikosi cha Taifa Stars.
