“Tumerudi kwa asili yetu tayari kwa vita uwanjani.” Hiyo ndiyo kauli inayosikika kutoka katika kikosi cha timu ya taifa ya Norway baada ya kuachia picha maalum za kuelekea Kombe la Dunia 2026, zikionyesha wachezaji wao wakiwa katika muonekano wa mashujaa wa kale wa “Vikings”. Kampeni hiyo ya kisasa ya utambulisho imevuta hisia kubwa duniani kwa ubunifu wake wa kipekee.
Katika picha hizo zilizopigwa kwenye fukwe zilizo karibu na jiji la Oslo chini ya mpigapicha maarufu David Yarrow, nyota wa Norway kama Erling Haaland, nahodha Martin Ødegaard, na Alexander Sørloth wanaonekana wakiwa wamevalia mavazi ya chuma, ngozi na silaha za kihistoria. “Hii siyo picha tu, ni taarifa ya nia yetu,” ilielezwa katika moja ya ujumbe wa timu hiyo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Norway imeweka wazi dhamira yake ya kurejea kwenye jukwaa kubwa la soka la dunia baada ya kuwa nje ya Kombe la Dunia kwa miaka 28, tangu mara yao ya mwisho kushiriki mwaka 1998. “Tumengoja kwa muda mrefu, sasa ni wakati wetu wa kupigania heshima yetu,” amesema mmoja wa viongozi wa kikosi hicho.
Kampeni hiyo pia inaonekana kuwa ujumbe wa moja kwa moja kwa wapinzani wao wa Kundi la Kombe la Dunia 2026, ambalo linajumuisha Ufaransa, Senegal na Iraq. “Wote wajue tumeingia kwa ajili ya ushindani wa kweli, si kushiriki tu,” imeelezwa kutoka ndani ya kikosi.
Kwa ujumla, Norway wamechanganya sanaa, historia na soka kuonyesha nguvu mpya ya taifa lao kuelekea michuano hiyo mikubwa. “Vikings hawarudi nyuma na sisi pia hatutarudi nyuma,” ndiyo kauli inayofunga ujumbe wao wa kuvutia kabla ya mashindano kuanza.
