Usiku mgumu kwa mashabiki wa Al-Nassr, Cristiano Ronaldo na kikosi chake walipata pigo zito baada ya kuchapwa mabao 3-1 na Al-Qadsiah. Matokeo hayo yamekatiza mwendo wao wa ushindi na kufungua upya mbio za ubingwa wa Saudi Pro League, huku wapinzani wao wakubwa wakianza kunusa nafasi ya kutwaa taji.
Mchezo huo uliotarajiwa kuwa rahisi uligeuka kuwa mtihani mgumu mapema kabisa. Al-Qadsiah walifungua kwa bao dakika ya 24 kupitia Mohammed Abu Al-Shamat, aliyewazidi maarifa mabeki wa Al-Nassr. Bao hilo liliwapa nguvu wenyeji na kuwafanya wageni kuanza kuyumba ndani ya uwanja.
Ronaldo alijaribu kuirudisha timu yake mchezoni kwa shuti kali la kona ya mbali, lakini mpira uligonga mwamba na kutoka, jambo lililomwacha akiwa amechanganyikiwa. Dakika chache baadaye, João Félix aliisawazishia Al-Nassr baada ya kutumia vizuri pasi ya Marcelo Brozovic, akifunga bao lake la 23 msimu huu na kurejesha matumaini ya kurejea kwenye mchezo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Hata hivyo, matumaini hayo hayakudumu. Ulinzi wa Al-Nassr uliendelea kuonyesha mapungufu makubwa, hali iliyowapa nafasi Al-Qadsiah kufunga bao la pili kupitia Musab Al Juwayr dakika ya 55. Mwisho wa matumaini ulikuja dakika ya 78 pale Julián Quiñones alipoongeza bao la tatu, akitumia tena uzembe wa safu ya nyuma na kuhitimisha ushindi muhimu kwa wenyeji.
Kipigo hicho kimevunja rekodi ya ushindi wa mechi 20 mfululizo wa Al-Nassr na kutikisa sana mbio za ubingwa. Ingawa bado wanaongoza kwa pointi tano, wapinzani wao Al-Hilal wana mchezo mkononi na wanaweza kuchukua usukani muda wowote. Sasa macho yote yanaelekezwa kwenye pambano kubwa la Mei 12 litakaloweza kuamua bingwa, huku Al-Nassr wakilazimika kujipanga upya haraka kabla ya kucheza na Al Shabab.
