Ancelotti na Brazil Kucheza Mechi ya Makundi ya Pili ya Taji la Dunia Bila Neymar.

Brazil wanajiandaa kuivaa Haiti katika mechi yao ya pili ya hatua ya makundi ya Taji la Dunia 2026, lakini Carlo Ancelotti atalazimika tena kukosa huduma za nyota wake wa ushambuliaji, Neymar, ambaye hatahusika licha ya kurejea mazoezini hivi karibuni.

Neymar hakuitumikia Brazil katika sare ya 1-1 dhidi ya Morocco kwenye mechi yao ya ufunguzi ya Taji la Dunia 2026 baada ya kupata jeraha jipya muda mfupi tu baada ya kujiunga na kikosi cha timu ya taifa.

Nyota huyo wa zamani wa Barcelona na PSG amerejea hivi karibuni kufanya mazoezi pamoja na wenzake, lakini hali hiyo haikutosha kumfanya ajumuishwe kwenye kikosi kitakachocheza dhidi ya Haiti.

Mechi hiyo itaanza saa 1:30 asubuhi kwa saa za Uingereza (BST) mapema Jumamosi.

Kwa mujibu wa taarifa za hivi karibuni kutoka kwa Gianluca Di Marzio wa Sky Sport Italia, Neymar amebaki katika kambi ya Brazil mjini New Jersey ili kuendelea na programu yake ya kupona, huku wachezaji wengine wa kikosi wakisafiri kuelekea mechi yao dhidi ya Haiti, ambayo itachezwa mjini Philadelphia.

Hata hivyo, bado kuna matumaini kwamba Neymar anaweza kuwa fiti vya kutosha kucheza dhidi ya Scotland ya Scott McTominay siku ya Jumatano, Juni 24.

Ikumbukwe kuwa mchezo huu ni muhimu sana kwa vijana hao wa Carlo baada ya mchezo wa kwanza kupata sare dhidi ya Morocco.