Wachezaji wengi wa timu ya taifa ya Argentina wamerejea nyumbani Jumatatu baada ya kupoteza fainali ya michuano ya Dunia kwa mabao 1-0 dhidi ya Hispania. Maelfu ya mashabiki walijitokeza katika Uwanja wa Ndege wa Buenos Aires kuwapokea, lakini nahodha Lionel Messi hakuonekana miongoni mwa waliowasili. Kocha Lionel Scaloni na wachezaji waliowasili walipokelewa kwa zulia jekundu na bendi ya kijeshi.
Licha ya mvua na hali ya baridi, mashabiki wengi walikusanyika nje ya makao makuu ya Shirikisho la Soka la Argentina (AFA) wakiwa na bendera za taifa na miavuli ya rangi ya samawati na nyeupe. Ingawa ndoto ya kutetea ubingwa wa dunia ilizimika, mashabiki waliamua kuishukuru timu kwa juhudi ilizoonyesha katika mashindano hayo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
“Tutasherehekea timu yetu hata hivyo. Messi ametufurahisha kwa miaka mingi na tunamuomba asiache kuichezea Argentina,” alisema shabiki Marga Ledezma. Naye Leonardo Barrientos aliongeza, “Timu hii imetuunganisha wote kama taifa. Tunawashukuru kwa kila walichokifanya na tutaendelea kuwaunga mkono wakati wote.”
Messi naye alitoa ujumbe kupitia ukurasa wake wa Instagram akielezea maumivu ya kupoteza fainali hiyo. “Maumivu ni makubwa sana na itachukua muda mrefu kupona, lakini pia nitabaki na kumbukumbu zote nzuri tulizozipata. Leo ni vigumu kuthamini tulichofanikisha, lakini kikosi hiki kimefika fainali mbili zamichuano ya Dunia mfululizo,” aliandika nahodha huyo wa Argentina.
Baada ya kumalizika kwa mashindano hayo, Rais wa Argentina Javier Milei alitangaza kuwa serikali itaweka siku maalumu ya mapumziko ya kitaifa kwa ajili ya kuipongeza timu hiyo kwa mafanikio yake ya kufika fainali ya michuano ya Dunia. Wakati huo huo, baadhi ya mashabiki waliendelea kusherehekea katika eneo la Obelisk jijini Buenos Aires, ingawa baadaye kulitokea vurugu ndogo zilizolazimu polisi kutumia mabomu ya machozi, maji ya kuwasha na risasi za mpira kuwatawanya, huku watu 15 wakikamatwa.
