Viongozi wa Atletico Madrid wanaamini kuwa mpango wa Real Madrid wa kutaka kumsajili mshambuliaji wa Argentina, Julián Alvarez, haukuwa wa dhati kama ulivyoonekana mwanzoni. Kwa mujibu wa taarifa kutoka Hispania, klabu hiyo ya jiji la Madrid inaamini kuwa wapinzani wao walikuwa na sababu nyingine nyuma ya hatua hiyo.
Chanzo cha karibu na Atletico Madrid kimenukuliwa kikisema, “Hatukuona dalili za kutosha kwamba Real Madrid walikuwa tayari kufanya kila linalowezekana ili kumpata Alvarez. Ofa yao haikuonyesha dhamira ya kweli ya kukamilisha usajili huo.”
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Ripoti hizo zinaeleza kuwa ndani ya Atletico kuna imani kwamba rais wa Real Madrid, Florentino Pérez, alitumia sakata la Alvarez kama njia ya kutimiza ahadi ya kufanya usajili mkubwa aliyowahi kuitoa hadharani kwa mashabiki wa klabu hiyo. Hata hivyo, viongozi wa Atletico wanaona hatua hiyo kuwa sehemu ya mkakati wa kisiasa zaidi kuliko mpango wa kiufundi wa kuimarisha kikosi.
Aidha, Atletico wanaamini kuwa hamasa ya Real Madrid kwa Alvarez iliongezeka baada ya kushindwa kufanikisha usajili wa winga wa Ufaransa Michael Olise kutoka Bayern Munich. “Baada ya mlango wa Olise kufungwa, walihitaji jina kubwa lingine la kuhusishwa nalo kwenye soko la usajili,” kilieleza chanzo hicho.
Kwa sasa mazungumzo kati ya klabu hizo mbili yanaonekana kusimama, huku Atletico Madrid wakiwa na uhakika kuwa Real Madrid hawataongeza dau lao la sasa kwa ajili ya Alvarez. Hali hiyo inaendelea kuacha maswali mengi kuhusu mustakabali wa mshambuliaji huyo, ambaye bado ni mmoja wa majina yanayovutia zaidi katika dirisha la usajili la majira haya ya kiangazi.
