Barcelona Yathibitisha Kuumia kwa Jordi Alba.

Barcelona wamesema Jordi Alba alipatwa na jeraha la paja upande wa kulia wakati wa mchezo ulioisha kwa sare ya 1-1 dhidi ya Sevilla ingawa haijawekwa wazi beki huyo atakaa nje kwa muda gani.

Beki huyo anayecheza katika dimba la kushoto,alianza katika michezo yote mitatu waliyocheza wakiwa chini ya mwalimu Koeman, alitolewa dakika ya 75 katika mchezo wa LaLiga katika dimba la Camp Nou siku ya Jumapili.

Baada ya vipimo siku ya Jumatatu, Barca wamethibitisha kuugua kwa Alba, ambaye atakaa nje mpaka pale Barca itakapo toa tamko kuhusu maendeleo yake.

Mchezaji huyo mwenye umri wa miaka 31 ataendelea kujiuguza wakati wa mapumziko wa michezo ya kimataifa lakini hajacheza mchezo katika timu ya Spain tangu waliposhinda 2-1 dhidi ya Romania mwezi Septemba mwaka 2019.

“Vipimo vilivyofanyika leo asubuhi vimethibitisha kwamba Jordi Alba anatatizo la misuli katika eneo la paja mguu wa kuume,” Taarifa ya Barcelona ilisomeka hivyo.

“Hatopatikana katika kikosi mpaka tutakapo toa taarifa nyingine tena na hali ya maendeleo ya jeraha la mchezaji ndiyo itatujulisha ni wakati gani atarejea.

Nafasi ya Jordi Alba ilizibwa na mchezaji aliyesajiliwa hivi karibuni Sergino Dest ambaye pia amekuwa ndiyo Mmarekani wa kwanza kucheza mchezo rasmi kwa timu ya Barcelona baada ya kutua akitokea Ajax.

Kinda huyo alisema “Huu ni uwanja wa ndoto zangu, timu kubwa katika bara la Ulaya.”

“Kwa bahati mbaya hakuna mashabiki kutokana na janga Corona, lakini ni mzuri sana.”

Barca atakutana na Getafe kwa mchezo ujao wa LaLiga barca akiwa ugenini, wakifuatiwa na mchezo dhidi ya Ferencvaros katika Champions League hatua ya makundi.

Weka Pesa kwa Airtel Money!

Sasa unaweza kuweka pesa moja kwa moja kwenye akunti yako ya Meridianbet kwa kutumia mtandao wa Airtel. Usipate wasi wasi, tunaifanya kazi kuwa rahisi zaidi!

Soma Zaidi