Kiungo wa timu ya taifa ya Canada, Ismael Koné (24), amepata majeraha makubwa baada ya kuvunjika mfupa unaounganisha goti na enka kufuatia rafu mbaya kutoka kwa mchezaji wa Qatar, Assim Madibo, katika mchezo wa mashindano ya Dunia 2026 uliochezwa usiku wa kuamkia leo.
Madaktari wa timu ya Canada wamethibitisha kuwa Koné atafanyiwa upasuaji katika siku chache zijazo, huku akitarajiwa kuwa nje ya uwanja kwa takribani miezi sita. “Ni pigo kubwa kwetu kumpoteza mchezaji muhimu kama Koné katika hatua hii ya mashindano,” kilieleza chanzo kutoka benchi la ufundi la Canada.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Licha ya tukio hilo la kusikitisha, Canada iliendelea kuonyesha ubora wake uwanjani. Dakika 10 tu baada ya Koné kutolewa nje kwa machela, Nathan Saliba aliyeingia kuchukua nafasi yake aliifungia Canada bao la nne na kuongeza kasi ya ushindi mkubwa dhidi ya Qatar.
Baada ya kufunga bao hilo, Saliba alitoa ujumbe wa kugusa hisia za mashabiki kwa kusherehekea huku akiwa ameinua juu jezi namba 8 ya Koné. “Bao hili ni kwa ajili ya Ismael. Sote tuko pamoja naye katika kipindi hiki kigumu,” Saliba alinukuliwa akisema baada ya mchezo huo.
Matokeo ya ushindi wa mabao 6-0 yaliifanya Canada kuandika historia kwa kupata ushindi wake wa kwanza kabisa katika mashindano ya Dunia 2026. Furaha ya ushindi huo hata hivyo ilichanganyika na huzuni ya kumpoteza Koné, ambaye alikuwa mmoja wa wachezaji muhimu wa kikosi hicho.
