Cavani Kukosa Mechi Dhidi ya Newcastle.

Klabu ya Manchester United imethibitisha kwamba Edinson Cavani hatopatikana kuwakabili Newcastle United siku ya Jumamosi hii ni kutokana na kufuata taratibu za kuzuia maambukizi ya Corona atalazimika kujitenga kwa siku 14 baada ya kuhama akitokea Ufaransa.

Cavani amesaini mkataba na United kwa uhamisho huru siku ya mwisho katika dirisha la usajili lakini kutokana na miongozo iliyowekwa na United Kingdom ya kujikinga na virusi vya Corona inawataka watu kukaa karantini siku 14 baada ya kutua katika ardhi ya taifa hilo.

Mshambuliaji huyo wa Uruguay alikuja moja kwa moja akitokea Ufaransa moja ya nchi ambazo zipo kwenye list, hii inamaanisha aataendelea kufanya mazoezi binafsi akiwa amejitenga tangu ajiunge na klabu hiyo ya Premier League.

Iliripotiwa kuwa Man United walikuwa wakitafuta ufafanuzi kuhusu muda ambao Cavani atakaa Karantini na kwa sasa wamethibitisha kuwa Cavani, 33 hatoweza kusafiri mpaka Newcastle siku ya Jumamosi.

Maelezo ya United yalisomeka kama hivi kwenye tovuti yao: “Cavani amelazimika kujitenga kutokana na miongozo iliyowekwa kwaajili ya kujikinga na COVID-19, baada ya kutua nchini akitokea Ufaransa, hii inamaanisha hatoweza kucheza mchezo wake wa kwanza katika dimba la St James Park.

Mechi ya kwanza ya Cavani kwa Man United ni kama itakuwa dhidi ya klabu aliyotokea Paris Saint-Germain, ambako alitumia miaka 7 na kuwa mfungaji bora wa muda wote.

Unapenda kuwa shujaa?

Naam, hapa ni mahali pako! Kuwa shujaa kwenye sloti hii ya Samurai Ken ujishindie mkwanja na kujipa burudani murua. 

Cheza sasa