Klabu ya Chelsea FC inaendelea kuonyesha nia ya kumsajili kiungo chipukizi Adam Wharton katika dirisha la usajili wa majira ya kiangazi, ikiwa ni sehemu ya mpango wa kuimarisha safu yao ya kiungo.
Wharton ameibuka kuwa miongoni mwa wachezaji wanaovutia baada ya kuonyesha kiwango bora akiwa na Crystal Palace, hali iliyovutia macho ya klabu kubwa barani Ulaya.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Mpango wa Chelsea pia unaathiriwa na hali ya sintofahamu inayomkabili kiungo Enzo Fernandez, ambaye amekuwa akihusishwa na uwezekano wa kujiunga na Real Madrid.
Inadaiwa kuwa Real Madrid pia wanamvutiwa Wharton, lakini wanampa kipaumbele zaidi Fernandez, jambo ambalo linaweza kumfanya Wharton kuwa mbadala wake iwapo uhamisho huo utatokea.
Hata hivyo, Chelsea wamekuwa wakimfuatilia Wharton kwa muda mrefu, wakivutiwa na utulivu wake uwanjani pamoja na uwezo wake wa kupiga pasi kwa ufanisi, jambo linalomfanya kuwa chaguo la muda mrefu.
Pamoja na mipango hiyo ya usajili, Chelsea wanakabiliwa na changamoto ya kifedha baada ya kuripoti hasara ya rekodi ya pauni milioni 262 katika msimu wa 2024/25, jambo linaloweza kuathiri namna watakavyotumia fedha katika usajili.
Katika mbio za kumwania kiungo huyo, Chelsea wanakutana na ushindani mkali kutoka kwa Manchester United, ambao wanataka kumjenga upya safu yao ya kiungo.
Aidha, Manchester City na Real Madrid pia wamekuwa wakifuatilia maendeleo ya mchezaji huyo, hali inayoongeza ushindani katika kinyang’anyiro hicho.
Crystal Palace hawana haraka ya kumuuza Wharton, ambaye ana mkataba hadi mwaka 2029, huku thamani yake ikikadiriwa kufikia pauni milioni 100, ikilinganishwa na uhamisho wa Declan Rice kutoka West Ham United kwenda Arsenal.
