Coventry City imekamilisha usajili wa beki wa kati wa kimataifa wa Uswisi, Aurèle Amenda, akitokea Eintracht Frankfurt ya Ujerumani kwa ada ambayo haijawekwa wazi. Klabu hiyo iliyopanda daraja msimu huu kucheza Ligi Kuu ya England imethibitisha usajili huo ikiwa ni sehemu ya maandalizi ya kuimarisha kikosi kuelekea msimu mpya.
Amenda mwenye umri wa miaka 22 anawasili Coventry baada ya kuitumikia Eintracht Frankfurt kwa misimu miwili, ambapo alicheza jumla ya mechi 42 katika mashindano yote. Mbali na mafanikio yake ngazi ya klabu, beki huyo pia ameichezea timu ya taifa ya Uswisi mara saba, akionyesha uwezo wake katika soka la kimataifa.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Akizungumza baada ya kukamilisha uhamisho huo, Amenda alieleza furaha yake ya kujiunga na Coventry City na kusisitiza kuwa lengo lake ni kusaidia timu kufikia mafanikio makubwa katika Ligi Kuu ya England.
“Nataka kushinda, nataka kuisaidia timu na kuisaidia klabu kufanikiwa. Ninasubiri kwa hamu kucheza kwenye uwanja huu mzuri, kukutana na mashabiki, kusherehekea nao na kushinda pamoja nao. Pia nataka kufunga mabao hapa, hivyo siwezi kusubiri kuanza,“ alisema Amenda.
Coventry City itaanza rasmi safari yake ya Ligi Kuu ya England kwa mchezo mgumu wa ugenini dhidi ya mabingwa watetezi Arsenal utakaochezwa Agosti 21. Mashabiki wa klabu hiyo wanatarajia kuona Amenda akitoa mchango mkubwa katika kuimarisha safu ya ulinzi na kusaidia timu kujihakikishia mwanzo mzuri wa msimu.
