Klabu ya AS Roma imethibitisha rasmi kuongeza mkataba wa mshambuliaji wa kimataifa wa Argentina, Paulo Dybala, ambao sasa utamuweka ndani ya kikosi hicho hadi Juni mwaka 2027. Hatua hiyo inaonyesha imani kubwa ambayo klabu hiyo inaendelea kuwa nayo kwa nyota huyo licha ya changamoto za majeraha alizokumbana nazo msimu uliopita.
Dybala mwenye umri wa miaka 32 alijiunga na Roma mwaka 2022 akitokea Juventus baada ya kuitumikia kwa misimu saba. Tangu awasili katika mji mkuu wa Italia, amekuwa mmoja wa wachezaji muhimu wa timu hiyo akicheza mechi 139 katika mashindano yote na kufunga mabao 45, huku pia akiisaidia Roma kufika fainali ya UEFA Europa League katika msimu wake wa kwanza.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
“Paulo Dybala ameongeza mkataba wake na AS Roma hadi Juni 2027,” ilisema taarifa rasmi ya klabu hiyo iliyotolewa Jumatatu.
Hata hivyo, msimu uliopita haukuwa mwepesi kwa mshambuliaji huyo kutokana na majeraha ya goti yaliyomlazimu kufanyiwa upasuaji mwezi Machi, hali iliyomuweka nje ya uwanja kwa takribani miezi minne na kuzua maswali kuhusu mustakabali wake ndani ya klabu hiyo.
“Roma ilimaliza nafasi ya tatu kwenye Serie A msimu uliopita na kufuzu tena Ligi ya Mabingwa Ulaya kwa mara ya kwanza tangu msimu wa 2018/19. Timu hiyo itaanza kampeni ya msimu mpya kwa mchezo wa nyumbani dhidi ya Fiorentina utakaochezwa Agosti 24.”
