Kocha wa Chelsea, Liam Rosenior, amethibitisha kuwa kiungo Enzo Fernandez hatacheza katika mchezo muhimu wa Premier League dhidi ya Manchester City, licha ya kumuomba radhi klabu baada ya kauli tata kuhusu mustakabali wake.
Rosenior alieleza kuwa uamuzi huo umetokana na mchezaji huyo kuvuka mipaka ya maadili ya klabu, akisema “Tulikuwa na mazungumzo mazuri. Ameomba msamaha kwangu na kwa klabu. Tutashughulikia hilo baada ya mechi kubwa ya Jumapili.” Aliongeza: “Huwezi kupitiliza adhabu kutokana na kosa. Nilifanya uamuzi, na sitaki kumzuia Enzo kuwa na maisha mazuri ya soka, lakini hatacheza Jumapili.”
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Chelsea inaingia kwenye mchezo huo ikiwa kwenye presha kubwa baada ya kupoteza mechi mbili mfululizo dhidi ya Newcastle United na Everton, hali iliyowashusha hadi nafasi ya sita kwenye msimamo. Kwa sasa wako pointi moja nyuma ya Liverpool na saba nyuma ya Aston Villa.
Mbali na Fernandez, Chelsea pia itawakosa wachezaji kadhaa kutokana na majeraha akiwemo Filip Jorgensen, Levi Colwill, Reece James, Trevoh Chalobah na Jamie Gittens. Hata hivyo, Rosenior anaamini kikosi chake kina uwezo wa kufanya vizuri.
Akizungumzia mpinzani wao, Rosenior alimpongeza kocha wa City, Pep Guardiola, akisema “Ameathiri sana soka la dunia. Ni kocha wa kipekee mwenye mafanikio makubwa, lakini tunataka timu yangu ionyeshe uwezo wake Jumapili.”
Licha ya changamoto zote, Rosenior ameonesha imani kubwa kwa timu yake, akisema “Bila shaka tunaweza kushinda. Sisi ni timu nzuri, tumepitia kipindi kigumu lakini tumekuwa tukiwapa changamoto wapinzani wetu wote, japokuwa hatujapata matokeo tuliyotarajia.”
