Klabu ya Fenerbahçe imekamilisha usajili wa mshambuliaji wa England, Mason Greenwood, kutoka Olympique de Marseille kwa ada ya uhamisho ya euro milioni 39 (takribani dola milioni 44.5). Klabu hiyo ya Uturuki imethibitisha kuwa imefikia makubaliano na mchezaji huyo pamoja na Marseille, huku malipo ya uhamisho yakipangwa kulipwa kwa awamu tatu ndani ya miaka mitatu ijayo.
Fenerbahce pia imesema itagharamia malipo yoyote ya mshikamano (solidarity payments) yanayotakiwa chini ya kanuni za shirikisho la soka duniani kutokana na uhamisho huo. Usajili wa Greenwood unatarajiwa kuongeza nguvu kwenye safu ya ushambuliaji ya timu hiyo inayolenga kutwaa ubingwa wa Ligi Kuu ya Uturuki kwa mara ya kwanza tangu mwaka 2014.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Greenwood, mwenye umri wa miaka 24, alijiunga na Marseille akitokea Manchester United Julai 2024 kwa mkataba wa miaka mitano baada ya kumaliza uhusiano wake wa muda mrefu na klabu hiyo ya England. Akiwa nchini Ufaransa, mshambuliaji huyo alionyesha uwezo mkubwa katika nafasi mbalimbali za ushambuliaji.
Katika misimu miwili akiwa Marseille, Greenwood alifunga mabao 37 katika mechi 66 za ligi, rekodi iliyomfanya kuvutia klabu kadhaa kabla ya hatimaye kuhamia Fenerbahce. Klabu hiyo ya Istanbul inaamini kasi, uwezo wa kufunga na uhodari wake vitakuwa silaha muhimu katika harakati zao za mafanikio ya ndani.
“Tunamkaribisha Mason Greenwood katika familia ya Fenerbahce. Tunatarajia ataongeza ubora na nguvu mpya kwenye safu yetu ya ushambuliaji wakati tukipambana kutimiza malengo ya msimu,” ilieleza klabu hiyo kupitia taarifa yake ya usajili.
