Pep Guardiola anasema wiki ambayo Manchester City wanaweza kutinga fainali ya Ligi ya Mabingwa na kushinda tena Ligi ya Uingereza ni “ndoto itakayotimia”.
Kipigo cha 3-0 cha Arsenal nyumbani dhidi ya Brighton kufuatia ushindi wa City dhidi ya Everton inamaanisha kuwa kikosi cha Guardiola kinaweza kutwaa taji la tano katika misimu sita wikendi ijayo.
Lakini kabla ya hapo watalazimika kuwapita mabingwa watetezi Real Madrid katika mechi ya mkondo wa pili wa nusu fainali ya nyumbani ili kuendeleza harakati zao za kusaka ushindi wa kwanza wa Ligi ya Mabingwa, baada ya kutoka sare ya 1-1.
Guardiola amesema; “Ni ndoto iliyotimia kuwa hapa, kwa uaminifu huku timu yake pia ina fainali ya Kombe la FA dhidi ya Manchester United ambayo itatarajia mwezi ujao. Najua mwishoni labda hatupati mataji yote, watu wanasema sisi sio timu nzuri timu ya ‘kufeli’, lakini ni ndoto kuwa hapa.”
Sisi ndio timu pekee barani Ulaya inayopigania mashindano yote. Fainali ya Kombe la FA na Manchester United na bado haijaisha, Ligi Kuu ya Uingereza haina mwisho, tunafahamu hilo tangu zamani na Liverpool. Tuna nusu fainali nyumbani na mkondo wa pili tutajaribu kutinga fainali ya Ligi ya Mabingwa. Alisema Guardiola
“Tulikotoka misimu iliyopita ni msimu wa ajabu na tunatumai tunaweza kumaliza vizuri.”
City, ambao kwa sasa wako kwenye mbio za kushinda mechi 11 kwenye ligi ikiwa ni sehemu ya mfululizo wa mechi 22 mfululizo za kutoshindwa katika mashindano yote, wanaweza kuhakikishia ubingwa wa Ligi Kuu ya Uingereza kwa ushindi wa nyumbani dhidi ya Chelsea Jumapili.
Lakini watathibitishwa kuwa mabingwa hata mapema iwapo Arsenal watapoteza dhidi ya Nottingham Forest wanaopigania kushuka daraja Jumamosi jioni.
Guardiola aliongeza: “Ninapowaona Chelsea na Brighton tuna kazi kubwa ya kufanya. Lakini hili lilikuwa gumu. Nilifurahishwa sana na jinsi Everton walivyoshughulikia mchezo dhidi ya Brighton lakini kutoka dakika ya kwanza tulidhibiti mchezo, isipokuwa mabadiliko fulani.”
