Japan na Sweden zimefanikiwa kufuzu hatua ya 32 bora ya michuano ya Dunia 2026 baada ya kutoka sare ya mabao 1-1 katika mchezo wa mwisho wa Kundi uliopigwa jijini Arlington.
Matokeo hayo yameihakikishia Sweden nafasi ya kusonga mbele kwa mara ya tano mfululizo katika hatua ya mtoano ya mashindano ya Dunia, huku Japan nayo ikihifadhi tiketi yake ya kuendelea na mashindano.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Katika kipindi cha kwanza, Japan ilionekana kutawala umiliki wa mpira licha ya Sweden kuanzisha mashambulizi ya kwanza yenye hatari. Nafasi za wazi za kufunga zilikuwa chache, huku kipa wa Sweden Jacob Widell Zetterström akifanya kazi kubwa kuokoa shuti la Keito Nakamura mwishoni mwa kipindi hicho. Wakati huohuo, Sweden ilipata pigo baada ya beki wake muhimu Isak Hien kuumia na kushindwa kuendelea na mchezo.
Kipindi cha pili kilianza kwa kasi kutoka kwa Japan na juhudi zao zilizaa matunda dakika ya 56 baada ya Ritsu Dōan kutoa pasi ya mwisho iliyomkuta Daizen Maeda aliyefunga bao la kuongoza. Hata hivyo, furaha ya Japan haikudumu kwa muda mrefu baada ya Anthony Elanga kusawazisha kwa shuti kali lililomshinda kipa Zion Suzuki na kuifanya mechi irejee kwenye usawa.
“Tulipambana hadi mwisho na tulionyesha uwezo wetu dhidi ya wapinzani wenye ubora mkubwa. Kufuzu ni jambo muhimu zaidi kwetu kwa sasa,” ilieleza kambi ya Sweden baada ya mchezo, huku Japan nayo ikieleza kuridhishwa na tiketi ya hatua inayofuata licha ya kushindwa kumaliza kinara wa kundi.
Dakika za mwisho zilikuwa za ushindani mkubwa huku pande zote zikitengeneza nafasi za kupata bao la ushindi. Koki Ogawa wa Japan alikosa nafasi ya wazi, wakati Anthony Elanga na Alexander Isak walizuiwa na kipa Zion Suzuki aliyefanya kazi kubwa langoni. Baada ya sare hiyo, Sweden itasubiri kujua mpinzani wake wa hatua ya 32 bora, huku Japan ikijiandaa kuvaana na mabingwa mara tano wa dunia, Brazil.
