Kocha wa Colombia, Néstor Lorenzo, ameisifu timu yake kwa nidhamu kubwa ya kujilinda baada ya ushindi mwembamba wa bao 1-0 dhidi ya Ghana uliowapeleka katika hatua ya 16 bora ya, mashindano ya Dunia la FIFA. Ushindi huo umeifanya Colombia kupanga ratiba ya kukutana na Uswisi katika hatua inayofuata ya mashindano.
Lorenzo alisema mafanikio ya timu yake yalitokana na uwezo wa kulinda bao lao licha ya kushindwa kutumia baadhi ya nafasi walizozitengeneza. Alieleza kuwa mabeki walikuwa na jukumu gumu kutokana na timu kucheza mbele kwa muda mrefu wa mchezo. “Baada ya kutengeneza nafasi kadhaa na kushindwa kuzitumia, nilifurahishwa na jinsi tulivyocheza kwa kujilinda. Ninathamini ukweli kwamba hatukupata presha kubwa, isipokuwa nafasi chache za wazi za wapinzani,” alisema Lorenzo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Kuhusu kiungo James Rodríguez, Lorenzo alifafanua kuwa hakupata jeraha lolote baada ya kutolewa uwanjani, akisema mabadiliko hayo yalikuwa ya kimkakati. Pia alibainisha kuwa baadhi ya wachezaji walikuwa wakisumbuliwa na dalili zinazofanana na mafua kabla ya mchezo.
“James yuko salama. Hana jeraha lolote,” alisisitiza kocha huyo, huku akieleza kuwa mshambuliaji Jhon Córdoba ndiye pekee aliyemaliza mchezo akiwa na wasiwasi wa jeraha, na kiwango chake kitafahamika baada ya kufanyiwa vipimo vya kitabibu.
Colombia sasa itavaana na Uswisi katika hatua ya 16 bora siku ya Jumanne mjini Vancouver. Lorenzo amesema anatarajia mchezo mgumu dhidi ya wapinzani hao kutokana na ubora wao wa kiuchezaji. “Wana mpangilio mzuri wa mchezo, lakini pia wana wachezaji bora kuanzia kiungo hadi ushambuliaji. Wanacheza soka zuri sana, hivyo utakuwa mchezo mgumu sana,” alisema Lorenzo.
