Luiz Suarez Kwenye Rekodi Mpya Barcelona.

Kocha mkuu wa klabu ya Barcelona amemwagia sifa mshambuliaji wa kimataifa kutoka nchi ya Uruguay kwa kuingia kwenye orodha ya wafungaji bora wa muda wote  baada ya kufungu bao la pekee lililoipa ushindi  timu ya Barcelona dhidi ya Espanyol siku ya Jumatano.

Suarez amefikisha jumla ya magoli 195 katika michezo 278 aliyocheza tangu ajiunge na Barcelona akitokea timu ya Liverpool mwaka 2014.

Ni wachezaji wawili pekee walikuwa wamefungia Barca magoli mengi – wa kwanza ni nyota wa kimataifa kutoka Argentina Nahodha Lionel Messi amefunga mabao 630 na wapili ni Cesar akiwa amefunga magoli 232, goli dhidi ya Espanyol siku ya Jumatano limemfanya Suarez awe mchezaji wa tatu kwa wachezaji wenye mabao mengi Camp Nou.

Kocha Setien amemsifu mchezaji huyo aliyetokea Premier League miaka sita iliyopita.

“Haikuwa kazi ngumu kwa Suarez  ambaye amekuwa katika kiwango kizuri sana siku za karibuni na kuendelea kufunga kila mchezo,” Setien aliwaambia waandishi.

“Ukiwa haujacheza kwa kipindi kirefu inahitaji muda kidigo kurudi kwenye fomu.”

“Suarez anajua kufunga amekuwa akionesha uwezo wake tangu aanze kucheza mpira, amefanya tena kitu kilicho mpeleka mpaka kwenye nafasi ya tatu ya wafungaji wa muda wote katika klabu ya Barcelona na huwezi acha kumpa pongezi kwa anacho kifanya.”

Barca wapo nyuma ya Madrid kwa tofauti ya alama moja ikiwa Real Madrid wanamchezo mkononi na wanajiandaa na mchezo dhidi ya Deportivo Alaves siku ya Ijumaa.

Barcelona ya Setien haijafungwa katika michezo tisa imeshinda mechi mfululizo ingawa walionekana kuzorota kwa kulazimishwa sare kabla ya kuwafunga Villarreal  4-1 na Espanyol 1-0.

Aidha katika mchezo dhidi ya Espanyol Ansu Fati alitolewa nje kwa kuoneshwa kadi nyekundu baada ya kuanza kwa kipindi cha pili wakati Pol Lozano wa Espanyol naye pia alitolewa kwa kadi nyekundu.