Rais wa muda mrefu wa klabu ya Real Madrid, Florentino Pérez, ameshinda uchaguzi wa urais wa klabu hiyo uliofanyika Jumapili, Juni 7, 2026, na hivyo kujihakikishia muhula mwingine wa kuiongoza timu hiyo hadi mwaka 2030.
Katika uchaguzi huo wa kihistoria, Pérez mwenye umri wa miaka 79 alipata asilimia 65 ya kura zote zilizopigwa na wanachama wa klabu hiyo. Ushindi huo ulimwezesha kuwashinda mpinzani wake mkuu, Enrique Riquelme, ambaye alipata asilimia 35 ya kura na baadaye kukubali matokeo yaliyotangazwa.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Akizungumza baada ya kutangazwa mshindi, Pérez aliwashukuru wanachama wa klabu kwa kuendelea kumuamini. “Ninawashukuru wanachama wote wa Real Madrid kwa imani yao. Ushindi huu ni motisha ya kuendelea kufanya kazi kwa ajili ya mustakabali wa klabu yetu,” alisema Pérez katika hotuba yake ya ushindi.
Kwa upande wake, Riquelme alimpongeza mshindi na kuahidi kuendelea kuunga mkono maendeleo ya klabu hiyo licha ya kushindwa kwenye uchaguzi huo. “Ninaheshimu uamuzi wa wanachama wa Real Madrid na ninampongeza Florentino Pérez kwa ushindi wake. Kilicho muhimu ni kuona klabu ikiendelea kupiga hatua,” alisema mgombea huyo.
Uchaguzi huo umeandika historia mpya ndani ya Real Madrid kwani ni mara ya kwanza kwa wanachama wa klabu hiyo kupiga kura kumchagua rais baada ya takribani miaka 20. Sasa Pérez anatarajiwa kuendelea kusimamia miradi mikubwa ya maendeleo ya klabu pamoja na mipango ya kuimarisha kikosi ili kuhakikisha Real Madrid inaendelea kuwa miongoni mwa klabu bora zaidi duniani.
