Nyota wa Barcelona, Raphinha, ameibuka kuwa miongoni mwa wachezaji wanaovutia klabu tajiri za Saudi Arabia katika dirisha hili la usajili, huku Al-Nassr na Al Hilal zikitajwa kuwa tayari kuingia vitani kuwania saini yake kwa dau kubwa.
Kwa mujibu wa taarifa kutoka Hispania, klabu hizo mbili zimeandaa ofa ya euro milioni 80 kwa ajili ya kuishawishi Barcelona kumuachia winga huyo wa kimataifa wa Brazil. Chanzo kimoja kilinukuliwa kikisema, “Raphinha ni miongoni mwa malengo makubwa ya klabu za Saudi Arabia katika majira haya ya usajili kutokana na kiwango chake bora akiwa Barcelona.”
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Mbali na ada ya usajili, Al-Nassr na Al Hilal zinaripotiwa kuwa tayari kumpa Raphinha mshahara mkubwa unaoweza kuwa mara nne ya kiwango anachopokea kwa sasa Camp Nou. Hatua hiyo inaonyesha dhamira ya klabu hizo kutumia nguvu zao za kifedha kuwavutia baadhi ya nyota wakubwa wa soka duniani.
Hata hivyo, mustakabali wa mchezaji huyo bado haujawa wazi. “Barcelona wanamchukulia Raphinha kama sehemu muhimu ya kikosi, lakini ofa kubwa kama hii inaweza kuwafanya viongozi wa klabu kufikiria upya,” kilieleza chanzo kinachofuatilia maendeleo ya sakata hilo.
Kwa sasa, macho ya mashabiki wa Barcelona na wadau wa soka yataelekezwa kwenye maamuzi ya klabu hiyo pamoja na msimamo wa Raphinha mwenyewe. Ikiwa ofa hizo zitatolewa rasmi, huenda zikawa miongoni mwa biashara kubwa zaidi za dirisha hili la usajili huku Saudi Arabia ikiendelea kuonyesha ushawishi mkubwa katika soko la wachezaji.
