Rugani na Dalbert Watua Rennes kwa Mkopo.

Daniele Rugani na Dalbert wamejiunga na timu ya Rennes kwa mkopo wa muda mrefu na Rennes wanaendelea kukiimarisha kikosi kuelekea katika mashindano ya Champions League.

Rugani ambaye anacheza safu ya ulinzi alitua Rennes akitokea Juventus ambako alicheza mechi 101 katika mashindano yote na kufanikiwa kushinda kombe la Serie A mara tano pamoja na Coppa Italia katika fainali tatu.

Beki huyo wa kati alikuwa akipambania nafasi ya kucheza katika kikosi cha kwanza cha Juventus ingawa alianza katika michezo 22 ya ligi misimu miwili iliyopita.

Rugani kwa sasa atatumia msimu 2020-21 kuwa Rennes kwa mkopo pamoja na Dalbert ambaye amekamilisha usajili wake akitoka klabu ya Inter.

Mbrazili huyo, ambaye alisema ameamua kujiunga na Rennes baada kuongea na mchezaji mwenzake wa zamani wa Victoria Guimaraes, winga Raphinha ambaye amerudi katika Ligue 1 baada ya hapo nyuma kuichezea klabu ya Nice.

“Ninafuraha kujiunga na klabu hii ya Rennes,” Dalbert aliiambia tovuti rasmi ya klabu hiyo ya Ufaransa. “Natumaini kuwa na msimu mzuri na wachezaji wenzangu.

“Uwepo wa Raphinha hapa, umechangia kwa kiasi kikubwa niliongea naye kabla akaniambia kuhusu maendeleo ya timu na uzuri wa jiji. Ninafuraha sana kuwa hapa.

Rennes wameuanza vyema msimu mpya kwa kujikusanyia alama 13 katika michezo mitano ya Ligue 1 na kukaa juu kwenye msimamo.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi