Shirikisho la Mpira wa Miguu Tanzania TFF limetoa uamuzi rasmi kuhusu sakata la uhalali wa usajili wa mchezaji Mohamed Damaro Camara, likibainisha kuwa hakuna ukiukwaji wa kanuni uliofanyika kama ilivyodaiwa na klabu ya Simba.
Uamuzi huo umetolewa baada ya Kamati ya Sheria na Hadhi za Wachezaji kuchambua kwa kina malalamiko yaliyowasilishwa na Simba, waliokuwa wakipinga usajili huo wakidai mchezaji huyo alicheza mechi 13 badala ya 12 zinazoruhusiwa kikanuni.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Kwa mujibu wa taarifa ya TFF, kamati hiyo ilichunguza Kanuni ya 6.2(1) ya Ligi Kuu pamoja na miongozo ya Shirikisho la Kimataifa la Mpira wa Miguu (FIFA) kabla ya kufikia hitimisho lake.
“Kamati imejiridhisha kuwa usajili wa Camara uko sahihi na haukiuki kanuni zozote za soka,” ilieleza sehemu ya taarifa hiyo ya TFF.
Aidha, TFF imeeleza kuwa uamuzi huo ni wa mwisho kwa hatua ya awali, huku ikibainisha kuwa Simba wana haki ya kukata rufaa iwapo hawajaridhika na maamuzi hayo.
Hatua hiyo inatarajiwa kupunguza mjadala uliokuwa umeibuka miongoni mwa wadau wa soka nchini, wakati mashabiki na klabu wakisubiri kuona kama Simba watachukua hatua ya kukata rufaa au kukubaliana na uamuzi huo.
