Tottenham Hotspur imeanza ziara yake ya maandalizi ya msimu mpya kwa ushindi wa mabao 2-0 dhidi ya mabingwa wa A-League, Auckland FC, katika mchezo uliochezwa Jumapili kwenye Uwanja wa Eden Park nchini New Zealand.
Mabao ya Spurs yalifungwa na washambuliaji Dane Scarlett na Richarlison, huku kocha Roberto De Zerbi akiwapumzisha nyota wake wengi wa kikosi cha kwanza na kuwapa nafasi wachezaji chipukizi pamoja na baadhi ya waliosajiliwa hivi karibuni.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Mchezo huo uliweka rekodi mpya ya mahudhurio ya mashabiki katika mechi ya soka ya wanaume nchini New Zealand, ambapo mashabiki 40,112 walijitokeza Eden Park. Idadi hiyo ilivunja rekodi ya awali ya mashabiki 37,034 waliokuwa wamehudhuria mchezo wa kufuzu michuano ya Dunia kati ya New Zealand na Peru mwaka 2017.
De Zerbi alisema hataki kuwaharakisha baadhi ya nyota wake waliotoka kwenye majeraha na safari ndefu, huku akisisitiza kuwa ziara hiyo ni fursa muhimu kwa vijana kuonyesha uwezo wao kabla ya msimu mpya kuanza.
“Hii ni nafasi nzuri kwa wachezaji vijana kuonyesha uwezo wao. Baada ya safari ndefu, hatutaki kuhatarisha wachezaji ambao bado hawajawa tayari kucheza. Tutawaingiza taratibu kadri maandalizi yanavyoendelea,” amesema Roberto De Zerbi.
Scarlett aliifungia Tottenham bao la kwanza dakika ya 12 baada ya kutumia makosa ya kipa Michael Woud, kabla ya Mathys Tel kutengeneza bao la pili lililofungwa na Richarlison katika kipindi cha pili. Spurs sasa itaendelea na ziara yake nchini Australia kwa mechi dhidi ya Sydney FC na wapinzani wao wa London, Chelsea, ikiwa ni sehemu ya maandalizi ya msimu mpya wa Ligi Kuu England.
