Uchambuzi:Mchezo wa Kirafiki England vs Wales.

Bosi wa timu ya taifa ya Uingereza Gareth Southgate atatoa nafasi kwa wachezaji makinda waweze kuonesha walicho nacho pale Wales itakapo tembelea viunga vya Wembley jioni ya leo (Saa nne kamili usiku saa za afrika mashariki).

The Three Lions, watajipima ubavu na majirani zao Wales kuulekea katika michuano ya Nations League kwa ratiba itakayo ikutanisha Uingereza na Belgium na Denmark.

Straika wa Everton Dominic Calvert-Lewin anajiandaa kucheza mchezo wake wa kwanza katika timu ya wakubwa baada ya kuwa na moto katika msimu mpya wakati mchezaji mwenzake ambaye pia ni mgeni Buyako Saka na Harvey Barnes naye pia anatarajiwa kuchezeshwa.

Jack Grealish na Conor Coady wote ndani ya kikosi hii ni baada ya kufanya vizuri katika mchezo wa kwanza walipocheza dhidi ya Danes mwezi uliyopita, magolikipa Nick Pope na Dean Henderson watakuwa kando kumsaidia golikipa namba moja Jordan Pickford.

Timu ya Ryan Giggs,Wales ambao ni wageni wa Uingereza hajapoteza katika michezo nane iliyopita watafanya mabadiliko kutokana kukosekana kwa idadi kubwa ya wachezaji.

Gareth Bale bado hajawa fit kucheza, wakati Joe Allen,Hal Robson-Kanu na Tom Lockyer wote wanauguza majeraha.

The Dragon itamkosa pia kiungo wao Aaron Ramsey, ambaye anatumikia muda wa kujitenga akiwa Juventus baada ya watumishi wawili wa klabu hiyo ya Turin kukutwa na maambukizi ya COVID-19.

Southgate atalazimika kuwakumbusha tena vijana wake majukumu yao wakati wakiwa wanawakilisha taifa lao la Uingereza.

Tammy Abraham,Ben Chilwell na Jadon Sancho wataukosa mchezo huu baada ya kuvunja sheria za Kujikinga na COVID-19 kwa kufika sehemu zenye mikusanyiko ya watu wengi zaidi ya sita wiki iliyopita lakini pia Greenwood na Phil Foden wameachwa katika kikosi cha Southgate.

Ingawa matokeo ya leo hayana umuhimu sana lakini Southgate anatarajia matokeo chanya kutoka katika timu yake baada ya kuwa na kiwango kibovu mechi dhidi ya Iceland na Denmark.

Je Wajua?

England haijapoteza katika michezo nane ya kirafiki tangu ilifungwa 3-2 na Ufaransa mwaka 2017.The Three Lions imeruhusu magoli mawili pekee katika michezo yote nane.

Raheem Sterling amefunga magoli 11 katika mechi 13 za England lakini ameshindwa kuvamia nyavu katika michezo 17 ya kirafiki.

Wales wameshinda mara moja pekee katika mechi 17 walizokutana na England katika dimba la Wembley ushindi wao huo mmoja waliupata mwaka 1977 goli pekee lililofungwa na Leighton James kwa mkwaju wa penati.

Weka Pesa kwa Airtel Money!

Sasa unaweza kuweka pesa moja kwa moja kwenye akunti yako ya Meridianbet kwa kutumia mtandao wa Airtel. Usipate wasi wasi, tunaifanya kazi kuwa rahisi zaidi!

Soma Zaidi