Aliwashangaza wengi mwaka 2018, lakini sasa Victor Moses ameweka wazi sababu iliyomfanya astaafu soka la kimataifa akiwa bado kwenye kiwango kikubwa barani Ulaya. Nyota huyo wa zamani wa Super Eagles amesema uamuzi wake haukutokana na kuchoka kuitumikia Nigeria, bali kutoa nafasi kwa kizazi kipya kung’ara.
Victor Moses alikuwa mmoja wa wachezaji muhimu zaidi wa Nigeria katika miaka yake ya ubora, akisaidia taifa hilo kutwaa AFCON mwaka 2013 na kushiriki Kombe la Dunia la 2014 na 2018. Mashabiki wengi walitarajia angeendelea kwa miaka mingi zaidi, lakini ghafla alitangaza kuachana na timu ya taifa akiwa na miaka 27 tu.
Akizungumza jijini Lagos, Moses alisema kipindi hicho Nigeria ilikuwa imejaa vipaji vingi na alihisi ulikuwa muda sahihi kwa wengine kupata nafasi ya kuonyesha uwezo wao. Kwa mtazamo wake, Super Eagles walikuwa na kizazi kipya kilichohitaji nafasi ya kuaminiwa na kubeba taifa mbele.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Nyota huyo wa zamani wa Chelsea alisisitiza kuwa bado ana mapenzi makubwa na timu ya taifa na hajawahi kujutia muda alioutumia akiwa na jezi ya Nigeria. Alikumbuka mafanikio aliyopata, marafiki aliokutana nao na furaha ya kuiwakilisha nchi yake kwenye mashindano makubwa duniani.
Katika maisha ya klabu, Victor Moses aliwahi kucheza Wigan Athletic, Crystal Palace na baadaye Chelsea ambako alipata mafanikio makubwa chini ya Antonio Conte. Alikuwa sehemu muhimu ya kikosi kilichotwaa ubingwa wa Premier League mwaka 2017 na FA Cup mwaka 2018.
