Ciro Immobile Akaribia Rekodi ya Ufungaji Ulaya.

Matumaini ya Cristiano Ronaldo kuibuka mfungaji bora mbele ya Ciro Immobile katika soka ya Bara Ulaya msimu huu yanazidi kupotea, baada ya kushindwa kutikisa nyavu za wapinzani katika mchuano ulioshuhudia waajiri wake Juventus wakichapwa 2-0 na Cagliari.

Nyota huyo matata mzawa wa Ureno anajivunia mabao 31 kutokana na kampeni za Ligi Kuu ya Italia (Serie A) hadi kufikia sasa msimu huu.

Licha ya Juventus kuonekana kutamalaki mechi na kuwazidi maarifa wapinzani wao katika takriba kila idara, ni Cagliari ndio waliotumia vyema uwanja wao wa nyumbani na kuvuna ushindi muhimu.

Mabao ya kikosi hicho yalifumwa wavuni na Luca Gagliano na Giovanni Simeone katika dakika ya 8 na 45 mtawalia.

Ronaldo kwa sasa anahitaji mabao manne zaidi ili kumfikia Ciro Immobile wa Lazio katika vita vya kuwania taji la mfungaji bora miongoni mwa wanasoka wote wa ligi za bara Ulaya msimu huu.

Immobile alifunga bao lake la 35 msimu huu mnamo Jumatano ya Julai 29 katika mechi iliyowashuhudia Lazio wakiwapepeta Brescia 2-0.

Ikisalia mechi moja pekee kabla ya kampeni za Serie A kutamatika rasmi msimu huu, Immobile ndiye anapigiwa upatu kuibuka mfungaji bora wa bara Ulaya.

Bao lake la hivi karibuni lilimwezesha kumpiku Robert Lewandowski wa Bayern Munich aliyefunga rasmi kampeni za Ligi Kuu ya Ujerumani (Bundesliga) kwa magoli 34.

Immobile kwa sasa anasalia na bao moja pekee kufikia rekodi ya Gonzalo Higuain aliyewahi kufunga idadi kubwa zaidi ya mabao katika msimu mmoja wa Serie A.

Higuain alipachika wavuni mabao 36 akivalia jezi za Napoli mnamo 2015-16.

Nini kinachokupa raha kama michezo ya kasino ya mtandaoni? Hasa unapojua kuwa kuna ushindi, jackpot na mizunguko kibao ya bure.
Ungana na bwana Meridian kupata ushindi na burudani.

Cheza Hapa Sasa