KOCHA YANGA ANA UCHU NA USHINDI

Kocha Mkuu wa Yanga, Miloud Hamdi ameweka wazi kuwa kwa wanaomtambua yeye ana uchu wa ushindi kwenye kila mechi ambazo wacheza ndani ya uwanja.

Baada ya kubeba mikoba ya Sead Ramovic amekiongoza kikosi cha Yanga kwenye mechi mbili dhidi ya JKT Tanzania na KMC,kwenye msako wa pointi sita ni nne kaambulia kwa ushindi mchezo mmoja na kugawana pointi mojamoja mbele ya JKT Tanzania.

Kocha huyo Februari 17 ana kibarua cha kuiongoza timu hiyo kwenye mchezo wa ligi dhidi ya Singida Black Stars unaotarajiwa kuchezwa Uwanja wa KMC, Complex.

Miloud amesema: “Wanaonifahamu wanajua namna gani nina kuwa na uchu wa kupata ushindi, lakini hilo haliondoi ukweli kwamba tunapaswa kuwaheshimu wapinzani ambao tunakutana nao uwanjani, kikubwa ni umakini na kutumia vema nafasi ambazo tunazipata uwanjani.

“Nikisema nawaheshimu wapinzani haimaanishi nina hofu, namaanisha mpira ni mchezo wa ushindani na kila mtu anatumia mbinu mbalimbali kujaribu kushinda hivyo lazima niende kwa tahadhari na umakini hata kama nahitaji kupata alama tatu muhimu.”

Ikumbukwe kwamba kabla ya kujiunga na Yangam kocha huyo alikuwa ndani ya Singida Black Stars hivyo anakutana na mabosi wake wa zamani kwenye msako wa pointi tatu.