Vinara wa Ligi Kuu ya Uingereza Arsenal wanaweza kumnunua nyota wa zamani wa Chelsea Eden Hazard.
The Gunners wanazidi kuchanganyikiwa katika jitihada zao za kumsajili Mykhaylo Mudryk na MediaFoot ya Ufaransa imesema wamemtambua winga huyo wa Real Madrid kama msaidizi.
Hazard mwenye miaka 32, yuko chini ya mkataba Bernabeu hadi mwisho wa msimu ujao lakini anatarajiwa kuondoka mapema kuliko baadaye kufuatia kipindi kibaya tangu ajiunge kutoka The Blues mwaka 2019.
Matatizo ya majeraha yamemfanya nahodha huyo wa zamani wa Ubelgiji kucheza mechi 73 tu katika misimu mitatu na nusu, ikijumuisha mechi tatu pekee za LaLiga msimu huu. Licha ya hayo, Arsenal tayari wameshafanya mawasiliano na Los Blancos ili kuona ni nini kingehitajika kwao kuuza namba 7 mwezi huu.
Wakuu wa Emirates wamesalia kwenye mazungumzo na Shakhtar Donetsk kuhusu kumsajili winga Mudryk, 22, lakini wameripotiwa kuwa ofa mbili zimekataliwa huku wapinzani wao wa London Chelsea wakimtaka.
Mikel Arteta amedhamiria kupata mshambuliaji mwingine ili kukiweka vyema kikosi chake kwa ajili ya kunyanyua taji katika kipindi cha pili cha kampeni na atatafuta mahali pengine iwapo watamkosa Muukreni huyo.
Mshambuliaji wa Barcelona Memphis Depay ni chaguo jingine linalowezekana, huku jarida la Sport la Uhispania likidai kuwa Washika Mitutu wa London Kaskazini wanamtazama mchezaji huyo wa Kimataifa wa Uholanzi pamoja na Manchester United na Newcastle.
