Barcelona Wabaki Kileleni Msimamo wa La Liga

Mshambuliaji kinda wa Barcelona, Ansu Fati, na mfungaji bora wa muda wote wa klabu hiyo, Lionel Messi wameiwezesha klabu hiyo kuzidi kujikita kileleni mwa msimamo wa ligi ya La Liga baada ya kuwafunga Leganes hivyo kupelekea Barcelona kuibuka na ushindi wa 2-0 katika uwanja wa Camp Nou.

Ansu Fati aliwafungia Barcelona goli la kwanza katika dakika ya 43 ya mchezo huo, na hilo ni goli lake la tano katika msimu huu huu wa ligi.

Goli la lipi la vijana hao wa Quique Setien lilifungwa katika dakika ya 69 kwa mkwaju wa penati uliowekwa kimiani na Lionel Messi, almanusura Barcelona waondoke na ushindi wa magoli matatu lakini bahati haikua upande wao baada ya goli la Antoine Griezmann kukataliwa kupitia VAR.

Baada ya ushindi huo Barca wanasalia kileleni katika msimamo wa La Liga wakiwa na jumla ya alama 64 katika michezo yao 29 huku yakiwaacha Leganes mkiani kabisa katika msimamo huo na alama zao 23.

Matokeo Mengine La Liga

Espanyol waliweza kupata sare ya 0-0 na Getafe hivyo kuzidi kujiondoa taratibu katika hatari ya kushuka daraja inayowakabili hivi sasa.

Espanyol walicheza jumla ya dakika 74 wakiwa pungufu baada ya beki wao Bernado Espinosa kutolewa nje kwa kadi nyekundu katika dakika ya 16 tu ya mchezo huo