Real Betis imefikia makubaliano ya kumsajili mshambuliaji wa AZ Alkmaar, Troy Parrott, katika dili lenye thamani ya €20 milioni. Klabu hiyo ya Hispania imeamua kuongeza nguvu kwenye safu yake ya ushambuliaji kwa kumpa nafasi staa huyo wa Jamhuri ya Ireland kuanza ukurasa mpya kwenye La Liga.
Parrott, ambaye amekuwa shujaa wa Ireland kutokana na mchango wake kwenye timu ya taifa, anatarajiwa kujiunga na Betis baada ya klabu hizo kufikia makubaliano juu ya ada ya uhamisho. Hatua hiyo inamfungulia mshambuliaji huyo mlango wa kuonyesha uwezo wake katika moja ya ligi kubwa na zenye ushindani barani Ulaya.
Kwa sasa, nyaraka za mwisho za uhamisho huo zinaandaliwa huku Parrott akijiandaa kusafiri kuelekea Sevilla. Baada ya kuwasili, hatua zinazofuata zitakuwa vipimo vya afya pamoja na kukamilisha taratibu za mwisho kabla ya kutambulishwa rasmi kama mchezaji mpya wa Real Betis.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Betis inatarajia Parrott kuongeza makali, nguvu na chaguo zaidi kwenye safu yake ya mbele. Kwa upande wa mshambuliaji huyo mwenye umri mdogo, kuhamia La Liga ni fursa kubwa ya kuendeleza safari yake na kujijengea jina zaidi kwenye jukwaa la soka la kimataifa.
Sasa safari imeanza, €20M mezani, Parrott anaelekea Sevilla. Mashabiki wa Real Betis wanasubiri kwa hamu kumuona shujaa huyo wa Ireland akivaa jezi ya kijani na nyeupe na kuanza kazi mbele ya lango.
