Cabaye: Sitaki Kustaafu

Yohan Cabaye anasema kuwa anataka kuendelea kucheza soka hata mara baada ya kumalizika kwa mkataba wake klabuni Saint-Etienne.

Mkataba wake unafikia ukomo ifikapo tarehe 30 Juni mwaka huu na anataka kuwa na Les Verts ama kwingine kokote.

Kiungo huyo mwenye umri wa miaka 34 ni mshindi mara mbili akiwa na LOSC mwaka 2011 na bingwa wa Ligue 1 Conforama akiwa na klabu ya soka ya PSG mwaka 2014 na mwaka 2015, alicheza mara 12 kwa ajili ya klabu ya soka ya Saint-Etienne katika msimu ambao alikumbwa na majeraha na kisha ikafuatiwa na janga la Covid-19.

Cabaye aliwaambiwa L’Equipe: “Ninataka kuendelea kucheza soka na sitaki kabisa kusikia habari za kustaafu kwangu. Wakati huu ambao haturuhusiwi kucheza nimejipima na kuona kwamba hali yangu katika soka ikoje. Ninaikumbuka sana michezo yetu ya mpira wa miguu.

Imenifanyia mema mengi sana. Kutoka katika kujiwazia mimi mwenyewe hadi mpaka kufikia kucheza soka la kiushindani haswa, kuona soka la ushindani la wikiendi iliyopita huko Bundesliga, hata kama ikichezwa bila ya uwepo wa mashabiki basi ule utaratibu wa mwanzo wa asili utapotea kabisa. Ninataka kucheza soka. Iwe ni pale Saint-Etienne ama kwingine kokote kule. Mkataba wangu unafikia ukomo ikifika mwezi Juni 30 mwaka huu na hakuna ambalo limeamuliwa kati yetu mpaka sasa hivi.”

Klabu ya soka ya Saint-Etienne imepangwa kumenyana na klabu ya zamani ya Cabaye, PSG katika hatua ya fainali ya kuwania kombe la Coupe de France lakini haipo wazi endapo mchezaji huyo wa kimataifa wa taifa la Ufaransa ataendelea kuwa katika klabu yake wakati fainali ikifika.

Mchezaji Cabaye alisema: “Kocha Claude Puel aliongea nami kuhusu kuongeza mkataba wangu klabuni hapo na kisha akaongelea suala hilo mbele ya jamii yote. Tupo katika mazungumzo kwa sasa na sijafunga milango ya kusajiliwa tena ama kusaini mkataba mpya. Tutaangalia kitakachotokea kwetu. Kwa sasa sipingani na lolote lililo mbele yangu.”