Carlos Vinicius Atua Kwa Mkopo Tottenham.

Tottenham Hotspur wamejinasia huduma za fowadi Carlos Vinicius, 25, kwa mkopo wa mwaka mmoja kutoka Benfica ya Ligi Kuu ya Ureno.

Kocha Jose Mourinho amekuwa akitafuta mshambuliaji mwenye uwezo wa kushirikiana vilivyo na nahodha Harry Kane kwenye safu ya mbele ya Tottenham ambao pia wanajivunia kiwango cha Son Heung-Min na usajili wa Gareth Bale aliyetokea Real Madrid kwa mkopo.

Carlos Vinicius ambaye ni raia wa Brazil, aliwafungia Benfica jumla ya mabao 24 katika kampeni za Ligi Kuu ya Ureno muhula uliopita wa 2019-20.

Ingawa fowadi huyo wa zamani wa Napoli ya Italia ana kifungu kitakachomweka mnunuzi wake katika ulazima wa kuvunja benki ili kumsajili, Mourinho ana matumaini kwamba Tottenham watajitwalia kabisa huduma za Vinicius mwishoni mwa msimu huu wa 2020-21.

Itawagharimu Tottenham kuweka mezani kiasi cha £36m ili kukamilisha uhamisho wa Carlos Vinicius kwa mkataba wa kudumu mwishoni mwa msimu huu.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi