Chelsea imefufua nia ya kumsajili kiungo wa AS Monaco, Lamine Camara, huku klabu hiyo ikiripotiwa kuwa tayari kujaribu kufanikisha dili hilo katika dirisha dogo la usajili la Januari.
Camara, mwenye miaka 22, alikuwa karibu kujiunga na Chelsea siku ya mwisho ya dirisha la majira ya kiangazi baada ya pande hizo kufikia makubaliano ya thamani ya euro milioni 55. Hata hivyo, Monaco ilisitisha uhamisho huo dakika za mwisho na kuwaacha Chelsea bila mbadala wa Enzo Fernandez.
Monaco iliamua kubadilisha msimamo baada ya kuamini kuwa mshambuliaji Folarin Balogun alikuwa akielekea Everton. Hata hivyo, dili hilo pia lilivurugika baada ya mshambuliaji huyo wa Marekani kukataa kuhamia Merseyside.
Tukio hilo lilidaiwa kuwakera viongozi wa Chelsea, huku kukiwa na taarifa kwamba uhusiano uliovurugika ungeweza kumfanya Camara akose kabisa nafasi ya kuhamia Stamford Bridge mwaka 2027.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Hata hivyo, taarifa mpya zimekanusha hilo na kudai Chelsea bado ina hamu kubwa ya kumsajili Camara, huku uwezekano wa dili hilo kufanyika Januari ukiendelea kuwepo.
Inaripotiwa kuwa maofisa wa Chelsea wamekuwa wakifuatilia kila dakika ambayo Camara amecheza tangu dili lake la kuhamia London Magharibi kuvurugika. Klabu hiyo sasa inatathmini uwezekano wa kuwasilisha ofa mara dirisha la Januari litakapofunguliwa.
Chelsea hata hivyo itakutana na ushindani mkubwa katika mbio hizo, kwani Brighton, Crystal Palace, Liverpool na Newcastle United pia zimeonyesha nia ya kumsajili kiungo huyo ambaye yuko tayari kuondoka Monaco mwaka ujao.
Camara amecheza kila dakika inayopatikana kwa Monaco katika mashindano yote msimu huu, akifunga bao moja na kutoa assist moja. Thamani yake ya sasa ya makadirio ya uhamisho inawekwa karibu euro milioni 29.9.
Licha ya saga ya uhamisho wa majira ya kiangazi, Camara amesema tayari ameweka jambo hilo nyuma yake na sasa anaangalia msimu wake na Monaco. “Kulikuwa na uwezekano wa kuondoka, lakini haikutokea dakika za mwisho na hiyo ni sehemu ya soka. Nimegeuza ukurasa na kuangalia msimu,” alisema.
Camara aliongeza kuwa bado anaamini anaweza kuisaidia Monaco kwa kiwango kikubwa, huku akiacha mlango wazi kwa fursa nyingine baadaye. “Soka linakwenda haraka. Labda fursa nyingine zitakuja, lakini kwa sasa nimejikita kwenye msimu wangu na Monaco,” alisema.
