Christiano Ronaldo Anatubeba Juventus - Giorgio Chiellini

Cristiano Ronaldo tangu atue katika timu  amekuwa na msaada mkubwa , hii ni kwa mujibu wa mchezaji mwenzake Giorgio Chiellini.

Ronaldo tayari amekwisha funga mabao 53 katiaka mechi 76 alizocheza akitokea katika klabu ya Real Madrid mwaka 2018 na kuwasaidia wababe hao wa Italia kushinda taji la Serie A msimu uliopita.

Nyota huyo wa kireno mwenye umri wa miaka 35 anaiongoza timu yake ya Juventus kukaa kileleni mwa ligi ya Serie A msimu huu, wakati huo huo wakiwa wamekwisha tinga hatua ya fainali ya kombe la Italia watakapoumana na Napoli jumatano hii jijini Roma

Mabingwa hao pia wamefika hatua ya 16 bora ya Ligi ya mabingwa Ulaya ambayo ilisimama kufuatia kuzuka kwa virusi vya Korona  .

Amekuwa akitusukuma, na kutufanya tucheze kwa ushirikiano mkubwa ili tusonge mbele , Nahodha wa Juventus alimwambia Martina Colombari kwenye mtandao wake wa kijamii wa Instagram.Yupo katika hatua kubwa sana tunamchezesha tunamfanya awe bora

Mshindi huyo  wa tuzo ya Mwanasoka bora wa dunia (Balon d’or ) mara  tano , aliisadia timu yake kufuzu fainali za Coppa Italia mwishoni mwa wiki iliyopita ingawa alikosa penati lakini walifuzu kwa faida ya goli la ugenini .

Baada ya Fainali ya kombe la Italia Juve wataigeukia ligi ya Serie A ambapo kwa sasa wanaongoza kwa tofauti ya alama moja mbele ya Lazio,watakutana na Bologna wakiwa ugenini  baada ya michezo kurudishwa na chama cha mpira nchini Italia.