Coutinho Aendelea Kung'aa Barcelona.

Phillipe Coutinho alisawazisha jitihada za kiungo Luuk de Jong uwanjani Camp Nou na kuwapa Barcelona alama moja katika sare ya 1-1 dhidi ya Sevilla katika Ligi Kuu ya Uhispania (La Liga).

Matokeo hayo yaliendeleza rekodi ya kutokufungwa kwa timu hizo katika La Liga hadi kufikia sasa msimu huu wa 2020-21.

De Jong alitumia makosa ya mabeki wa Barcelona walioshindwa kuondoa mpira wa kona katika dakika ya nane kabla ya Coutinho aliyerejea kutoka Bayern Munich mwishoni mwa msimu uliopita wa 2019-20 kusawazisha mambo dakika mbili baadaye.

Bao la Coutinho aliyeshirikiana vilivyo na Jordi Alba, lilikuwa lake la kwanza katika kampeni za msimu huu akivalia jezi za Barcelona.

Barcelona na Sevilla kwa sasa wamefikisha alama saba, tatu nyuma ya viongozi Real Madrid waliowafunga Levante 2-0 ugenini.

Antoine Griezmann na Lionel Messi walipoteza nafasi nyingi za kufungia Barcelona mabao zaidi katika kipindi cha pili.

Mbali na Ronald Araujo, mchezaji mwingine aliyesumbua zaidi mabeki wa Barcelona kwa upande wa Sevilla ambao ni mabingwa wa Europa League ni Jules Kounde ambaye alishuhudia mashuti yake mawili yakigonga mwamba.

Weka Pesa kwa Airtel Money!

Sasa unaweza kuweka pesa moja kwa moja kwenye akunti yako ya Meridianbet kwa kutumia mtandao wa Airtel. Usipate wasi wasi, tunaifanya kazi kuwa rahisi zaidi!

Soma Zaidi