Klabu ya Crystal Palace imekamilisha usajili wa beki wa kimataifa wa Hispania, Oscar Mingueza, kwa uhamisho wa bure kutoka Celta Vigo, huku ikisubiri kukamilika kwa taratibu za kibali cha kimataifa. Beki huyo mwenye umri wa miaka 27 amesaini mkataba wa miaka minne katika dimba la Selhurst Park.
Mingueza anakuwa usajili wa kwanza wa kocha mpya wa Crystal Palace, Pierre Sage, katika dirisha hili la usajili. Beki huyo ni zao la akademi maarufu ya La Masia ya Barcelona, ambapo alipandishwa kikosi cha kwanza mwaka 2020 na kucheza mechi 66 kabla ya kuhamia Celta Vigo mwaka 2022.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Akiwa Celta Vigo, Mingueza alionyesha kiwango kizuri kwa kufunga mabao saba na kutoa pasi 15 za mabao katika mechi 147 alizoichezea klabu hiyo. Uwezo wake wa kucheza nafasi mbalimbali katika safu ya ulinzi unatajwa kuwa moja ya sababu zilizomshawishi kocha Pierre Sage kumleta Crystal Palace.
Baada ya kutambulishwa rasmi, Mingueza alisema ana furaha kuanza ukurasa mpya wa maisha yake ya soka akiwa England. “Ni heshima kubwa kwangu kujiunga na Crystal Palace. Ninafurahia changamoto hii mpya na siwezi kusubiri kuanza kucheza mbele ya mashabiki wa klabu hii,” alisema beki huyo wa Hispania.
Mingueza tayari ameichezea timu ya taifa ya Hispania mara nne, ingawa hakupata nafasi ya kujumuishwa katika kikosi cha mashindano ya Dunia 2026. Crystal Palace inaamini uzoefu wake kutoka La Liga na Barcelona utakuwa nyenzo muhimu katika kuimarisha safu ya ulinzi kuelekea msimu mpya wa Ligi Kuu England.
