Licha ya safari yake ya Wimbledon 2026 kumalizika katika hatua ya 16 bora, Alex de Minaur ana kila sababu ya kutabasamu baada ya kuandika historia nyingine kubwa katika maisha yake ya tenisi. Nyota huyo wa Australia alionekana kuwa mmoja wa wachezaji walioweza kufanya makubwa kwenye michuano hiyo, lakini alizuiwa na Flavio Cobolli aliyemshinda kwa seti 7-5, 7-6, 6-3 kwenye Uwanja wa Court 1. Kabla ya kuondolewa, De Minaur alikuwa ameonyesha kiwango cha juu kwa kuwatoa Roman Andres Burruchaga, Adrian Mannarino na Zachary Svajda, safari iliyomletea mafanikio makubwa nje ya matokeo ya Wimbledon yenyewe.
Kutokana na kiwango hicho, De Minaur amepanda hadi nafasi ya tano katika viwango vya ATP kwa mara ya kwanza katika historia ya maisha yake ya kucheza tenisi. Mafanikio hayo yanamfanya kuwa Mwaustralia wa saba pekee kufika ndani ya tano bora duniani, akijiunga na majina makubwa yaliyotengeneza historia ya mchezo huo kama John Newcombe, Rod Laver, Ken Rosewall, Pat Cash, Pat Rafter na Lleyton Hewitt. Ni hatua inayodhihirisha ukuaji wake wa miaka ya karibuni na kuthibitisha kuwa sasa yupo rasmi miongoni mwa wachezaji bora zaidi duniani.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Mbali na mafanikio hayo ya uwanjani, Wimbledon pia imekuwa na kumbukumbu ya kipekee katika maisha binafsi ya De Minaur. Wakati wa mashindano hayo, alifunga ndoa kwa utulivu na mpenzi wake wa muda mrefu ambaye pia ni mchezaji wa tenisi, Katie Boulter. Hivyo, ndani ya kipindi kifupi, nyota huyo ameandika sura mbili muhimu za maisha yake, moja akiwa uwanjani kwa kuvunja rekodi ya nafasi ya juu zaidi katika viwango vya ATP, na nyingine nje ya uwanja kwa kuanza rasmi maisha ya ndoa.
Sasa macho yake yataelekezwa kwenye msimu wa viwanja vya hard courts wa Amerika Kaskazini, eneo ambalo limekuwa likimpa mafanikio makubwa. Mwaka 2025, De Minaur alikusanya ushindi mara43 kwenye viwanja hivyo, idadi iliyokuwa kubwa kuliko mchezaji mwingine yeyote kwenye ATP Tour. Rekodi hiyo inampa matumaini makubwa kuelekea mashindano yajayo yatakayokuwa maandalizi ya US Open mwishoni mwa Agosti.
