Ousmane Dembélé yuko tayari kuongeza mkataba wake na Paris Saint-Germain hadi mwaka 2030, licha ya mkataba wake wa sasa kuwa bado na miaka miwili. Taarifa zinaeleza kuwa winga huyo tayari amefikia makubaliano na mabingwa hao wa Ulaya na anatarajiwa kusaini hivi karibuni.
Dembélé amekuwa akisisitiza kuwa anataka kuandika historia PSG kabla ya kufikiria kuondoka Ulaya. Baada ya kushinda Champions League mara mbili mfululizo, nyota huyo sasa anaonekana kuwa tayari kuendelea na safari yake Paris.
PSG ilimsajili Dembélé kutoka Barcelona mwaka 2023 kwa €50m, akitia saini mkataba wa miaka mitano. Kabla ya hapo, aliwahi kucheza Stade Rennes na Borussia Dortmund, lakini sasa anaonekana kuwa amepata sehemu yake muhimu kwenye historia ya PSG.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Hata hivyo, siku za hivi karibuni kulikuwa na sintofahamu baada ya kocha Luis Enrique kumtoa kwenye kikosi. Dembélé alibaki kwenye vyumba vya kubadilishia wakati wa mapumziko katika sare ya 2-2 dhidi ya Rennes, jambo lililomkasirisha.
Nyota huyo pia hakuwemo kwenye kikosi kilichosafiri kucheza na Lille, mchezo ambao PSG walilazimisha sare ya 2-2 kupitia bao la Marquinhos dakika ya 95.
Licha ya changamoto hizo, Dembélé ameonyesha wazi kuwa mustakabali wake bado uko Paris. Vilabu kadhaa tajiri kutoka Saudi Arabia vilijaribu kumshawishi, lakini Mfaransa huyo amechagua kuendelea na PSG hadi 2030 akiwa na lengo la kuongeza zaidi historia yake kwenye klabu hiyo.
