Everton Yaikazia United kwa Branthwaite

Klabu ya Everton imewawekea Man United ngumu kumsajili beki wake kijana Jarrad Branthwaite ambaye Man Uited wamekua wakimuwinda kwa karibu kwajili ya kumsajili kuelekea msimu ujao.

Ofa ya pili ya Manchester United jana ilipigwa chini iliyokua na thamani ya £50 milioni ambapo Everton wameendelea kusisitiza wanahitaji kiasi cha paundi £70 mwisho 65, Jambo ambalo linaweza kuwafanya mashetani wekundu kukimbia dili hilo na kuhamia kwa mchezaji mwingine.Wiki kadhaa nyuma Man United waliripotiwa kupeleka ofa ya paundi milioni 35 kumtaka beki Branthwaite ambayo ilipigwa chini kabla ya jana kutuma ofa ya paundi milioni 50, Ofa hiyo nayo ikapigwa chini kwa muda usiozidi masaa matatu tangu kutumwa kwake.

Manchester United wanaonekana kuhitaji kukamilisha sajili zake mapema kabla ya msimu kuanza kwakua wanataka kutengeneza timu ya ushindani kwelikweli, Kwani mpaka sasa wako mbioni kukamilisha dili la wachezaji wawili ambao ni Mathijjs De Ligt na Joshua Zirkzee.Klabu ya Everton bado imeendelea kushikilia msimamo wake wa kuhitaji kiasi cha paundi milioni 70 mwisho 65 kama United wanamtaka beki wake Branthwaite, Huku wao wakiwaweka Harry Maguire na Josko Gvardiol kama vipimo sahihi kwa bei yao wanahitaji wakiamini kama zililipwa hela nyingi kwa mabeki hao hata mchezaji wao ana thamani kubwa vilevile.