Yann Sommer hatauzwa kwenda Bayern Munich, huku mkurugenzi wa michezo wa Borussia Monchengladbach Roland Virkus akiahidi kumbakisha mchezaji huyo wa Kimataifa wa Uswizi licha ya uvumi wa uhamisho.
Mabingwa hao wa Bundesliga wako sokoni kutafuta mlinda mlango mpya baada ya chaguo la kwanza Manuel Neuer kupata jeraha la kumalizia msimu akiwa likizoni kufuatia Kombe la Dunia.
Sommer ametajwa kuwa anaweza kuchukua nafasi yake, huku mkurugenzi wa michezo wa Bayern Hasan Salihamidzic akithibitisha nia yao mapema wiki hii.
Hata hivyo, Virkus amesisitiza kwa uwazi kwamba hakutakuwa na njia ya kutoka kwa wababe hao wa Bavaria kwa golikipa huyo ambaye mkataba wake unaisha Juni wakati wa dirisha la uhamisho la Januari.
MKurugenzi huyo amesema; “Hatutaachana na Yann Sommer. Hilo ndilo tulilowaambia Bayern pia. Imepangwa kwamba atatumika katika mechi mbili za mwisho za kirafiki.”
Maneno ya Virkus yanatofautiana sana na yale ya Salihamidzic, ambaye alithibitisha kupendezwa na Sommer siku ya Ijumaa, ingawa alijibu maoni yake kwa kiasi fulani katika mkutano na waandishi wa habari uliofuata.
Neuer aliondolewa kwa muda uliosalia wa kampeni baada ya kuhusika katika ajali ya kuteleza kwenye theluji kufuatia kampeni mbaya ya Ujerumani ya Kombe la Dunia, na kuwaacha Bayern wakiwa na Sven Ulreich na Johannes Schenk mwenye umri wa miaka 19 kama chaguo lao la golikipa, na hivyo kupelekea klabu hiyo kuzidisha utafutaji wa nyongeza.
Mabingwa hao wako kileleni mwa Bundesliga, pointi nne mbele ya Freiburg, na wanasalia kwenye njia ya kutetea taji lao msimu utakapoanza tena baadaye mwezi huu.
