Erik ten Hag ameweka wazi kuwa Manchester United itapamabana kufanya usajili mpya Januari ikiwa nafasi zitajitokeza ili kujiweka vizuri zaidi kwenye EPL na mashindano mengi ya ndani.
Mashetani Wekundu walipata shida kabla ya dirisha la usajili la majira ya baridi hata kuanza huku mlengwa wa muda mrefu Cody Gakpo akiamua kujiunga na wapinzani wao Liverpool mapema wiki.
Lakini Man United kwa sasa wako katika nafasi nzuri ya kumaliza katika nafasi za Ligi ya Mabingwa kuliko Liverpool, ushindi wao dhidi ya Wolves umewaweka katika nafasi ya nne huku Wekundu hao wakiwa nafasi ya sita.
Na Ten Hag alipendekeza kunaweza kuwa na nyongeza mpya Old Trafford mara tu dirisha litakapofunguliwa.
Lakini Mholanzi huyo alitaka kusisitiza kwamba bado kuna mechi nyingi za kucheza katika kinyang’anyiro cha kuwania nafasi ya nne bora.
Alipoulizwa kama Man United itasajili wachezaji wapya, Ten Hag alisema: “Nafikiri siku zote tunapaswa kufanya vizuri zaidi katika mpangilio wa klabu.
“Kwa hivyo tutatafuta bora kila wakati na ikiwa kuna fursa, tutapiga.”
Kuhusu Manchester United kuhamia nafasi ya nne, Ten Hag aliongeza: “Nimefurahishwa na hilo lakini ni safari ndefu. Tunataka kuwa katika nafasi, labda bora zaidi, Mei.
“Kwa hivyo sasa ni juu ya kupata nafasi sahihi ya kushinda mataji. Hilo ndilo tunalopaswa kulifanyia kazi.”
